नेपालगन्जमा प्रथम आदर्श तेक्वान्दो दोजाङ्ग प्रतियोगिता हुँदै

खेलकुद

गृहपृष्ठ
खेलकुद
नेपालगन्जमा प्रथम आदर्श तेक्वान्दो दोजाङ्ग प्रतियोगिता हुँदै

नेपालगन्जमा प्रथम आदर्श तेक्वान्दो दोजाङ्ग प्रतियोगिता हुँदै

सोमबार, फागुन ४, २०८२ बागेश्वरी पोस्ट

नेपालगन्ज । नेपालगन्जमा प्रथम पटक तेक्वान्दो प्रतियोगिता हुने भएको छ । आदर्श तेक्वान्दो दोजाङ्ग नेपालगञ्जले प्रतियोगिता आयोजना गर्न लागेको छ ।

विगत लामो समयदेखि औद्योगिक नगरी नेपालगञ्जमा आजसम्म कुनै प्रकारको तेक्वान्दो प्रतियोगिता सञ्चालन नभएकोले प्रथम पटक तेक्वान्दो प्रतियोगिता गराउने उद्देश्यका साथ यो कार्यक्रम गर्न लागेको आदर्श तेक्वान्दो दोजाङ्गका चन्द्र प्रकाश श्रेष्ठले जानकारी दिए ।

लुम्बिनी प्रदेश अन्तर्गत नेपालगञ्ज उपमहानगरपालिकामा विगत २०४५ सालदेखि निरन्तर तेक्वान्दो खेलको प्रशिक्षण भइरहेको जानकारी गराउँदै विभिन्न समयमा तेक्वान्दो खेलाडीहरुले बाँके जिल्ला र नेपालगञ्जको नाम राष्ट्रिय तथा अन्तर्राष्ट्रिय स्तरमा समेत राख्न सफल भएको उनले बताए ।

तेक्वान्दो खेलको उद्देश्य युवा नागरिकलाई अनुशासित, सभ्य, राष्ट्रप्रेमी र स्वस्थ बनाउने रहेको प्रशिक्षक समेत रहेका श्रेष्ठले बताए । श्रेष्ठका अनुसार फागुन ८ र ९ गते नेपालगञ्ज रंगशालामा प्रतियोगिताको हुनेछ । प्रतियोगिताका लागि निजी क्षेत्रसंग सहकार्य गरिएको छ । प्रतियोगितामा विजेता, उपविजेता र तृतीय हुनेलाई मेडल प्रमाणपत्र र नगद पनि प्रदान गरिने आयोजकले जनाएको छ ।

प्रकाशित मिति: सोमबार, फागुन ४, २०८२ २०:४९

प्रतिक्रिया दिनुहोस्