पाँचौं प्याब्सन नेपालगञ्ज यू-१४ फुटबल मेयर कपः सेमिफाइनल समिकरण पूरा

खेलकुद

गृहपृष्ठ
खेलकुद
पाँचौं प्याब्सन नेपालगञ्ज यू-१४ फुटबल मेयर कपः सेमिफाइनल समिकरण पूरा

पाँचौं प्याब्सन नेपालगञ्ज यू-१४ फुटबल मेयर कपः सेमिफाइनल समिकरण पूरा

शुक्रबार, फागुन ८, २०८२ बागेश्वरी पोस्ट

नेपालगञ्ज । पाँचौं प्याब्सन नेपालगञ्ज यू-१४ फुटबल मेयर कप २०८२ अन्तर्गत चौथो दिन चार खेल सम्पन्न भएका छन् । यो संगै सेमिफाइनल समिकरण पूरा भएको छ ।

आयोजक प्याब्सन नेपालगञ्जका अनुसार चौथो दिनको खेलमा विजयी हुँदै पशुपति इंग्लिश मिडियम हाई स्कूल, नेपालगञ्ज मोडेल एकेडेमी, नेपालगञ्ज सेन्ट जेभियर्स स्कुल र मनकामना इङ्लिश मिडियम स्कुल सेमिफाइनलमा प्रवेश गरेका छन् । नेपालगञ्ज रंगशालामा भइरहेको प्रतियोगितामा शुक्रबार पशुपतिले प्रभात मेमोरियल हाई स्कुललाई ४-०, जय बागेश्वरी सेकेन्डरी स्कुललाई नेपालगञ्ज मोडेल एकेडेमीले ६-०, ब्रिटिश इङ्लिश मिडियम स्कुललाई नेपालगञ्ज सेन्ट जेभियर्सले निर्धारित समयमा खेल नजिता विहिन भएपछि पेनाल्टी सुटआउटमा ६-५ र फ्लोरिड एकेडेमीलाई मनकामनाले ३-० ले पराजित गरेका हुन् ।

शनिबार सेमिफाइनलका दुई खेलहरू हुनेछन् । पहिलो सेमिफाइनल मनकामना इङ्लिश बोर्डिङ स्कुल विरुद्ध नेपालगञ्ज सेन्ट जेभियर्स स्कुल तथा दोस्रो सेमफाइनल नेपालगञ्ज मोडल एकेडेमी विरुद्ध पशुपति इंग्लिश मिडियम हाई स्कूल भिड्नेछन् । नेपालगञ्ज उपमहानगरपालिकाको सहयोगमा भइरहेको प्रतियोगिता फागुन ५ गते सुरु भएको हो । प्रतियोगिता १० गतेसम्म चल्नेछ ।

प्रकाशित मिति: शुक्रबार, फागुन ८, २०८२ २२:१६

प्रतिक्रिया दिनुहोस्