किड्स किंगडमको नवौं वार्षिकोत्सव कार्यक्रम सम्पन्न

शिक्षा

गृहपृष्ठ
शिक्षा
किड्स किंगडमको नवौं वार्षिकोत्सव कार्यक्रम सम्पन्न

किड्स किंगडमको नवौं वार्षिकोत्सव कार्यक्रम सम्पन्न

शुक्रबार, फागुन १५, २०८२ बागेश्वरी पोस्ट

नेपालगञ्ज । किड्स किंगडम नेपालगञ्जको नवौं वार्षिकोत्सव कार्यक्रम शुक्रबार विद्यालय प्रांगणमा सम्पन्न भएको छ । कार्यक्रमको सभापतित्व विद्यालयका अध्यक्ष माधव प्रसाद आचार्यले गरेका थिए भने प्रमुख अतिथि नेपालगञ्ज उपमहानगरपालिका वडा नम्बर ४ का वडा अध्यक्ष गोपाल पुन थिए ।

May be an image of text

प्रमुख अतिथि पुनले प्रारम्भिक बाल शिक्षा बालबालिकाको भविष्य निर्माणको आधार भएको उल्लेख गर्दै विद्यालयले अनुशासन, नैतिकता र सिर्जनशीलताको विकासमा महत्वपूर्ण भूमिका खेलेको बताए । उनले शिक्षाको गुणस्तर अभिवृद्धिका लागि स्थानीय तह सधैं सहयोगी रहने प्रतिबद्धता व्यक्त गरे । कार्यक्रममा विशेष अतिथिका रूपमा शिखा एकेडेमी कोहलपुरका अध्यक्ष गोपाल प्रसाद अधिकारी, नेपाल पत्रकार महासंघ बाँकेका अध्यक्ष नवीन गिरी, नेपालगञ्जका पूर्व मेयर विजय कुमार गुप्ता, मंगल प्रसाद माविकी प्रधानाध्यापक सन्ध्या गुप्ता, बरिष्ठ चिकित्सक डा. राजन पाण्डे, इन्जिनियर राजीब सुवेदी, विद्यालय सञ्चालक समितिका सदस्यहरु लगायतको उपस्थिति रहेको थियो ।

कार्यक्रममा प्रधानाध्यापक प्रकृति पाण्डेले स्वागत मन्तव्य व्यक्त गर्दै विद्यालयले बालबालिकाको सर्वाङ्गीण विकासका लागि गुणस्तरीय, जीवनोपयोगी र ब्यवहारिक शिक्षा प्रदान गर्दै आएको बताइन् । विद्यार्थीहरुले विभिन्न सांस्कृतिक प्रस्तुतिहरू समेत प्रस्तुत देखाएका थिए । विद्यार्थीले तेक्वान्दो खेल समेत प्रदर्शन गरे । अभिभावक तथा अतिथिहरूको उल्लेखनीय सहभागिता बीच कार्यक्रम सम्पन्न भएको विद्यालयले जनाएको छ ।

May be an image of text May be an image of one or more people, dais and text that says 'GDO GDOCN NOAK N AK ỦNI V P 30 đ30 ma' May be an image of trampoline and text May be an image of table and text May be an image of dais and text