खजुरा गोल्डकपः जेविएम फूटबल एकेडेमी लखनउ सेमिफाइनलमा

खेलकुद

गृहपृष्ठ
खेलकुद
खजुरा गोल्डकपः जेविएम फूटबल एकेडेमी लखनउ सेमिफाइनलमा

खजुरा गोल्डकपः जेविएम फूटबल एकेडेमी लखनउ सेमिफाइनलमा

बुधबार, वैशाख २, २०८३ बागेश्वरी पोस्ट

नेपालगञ्ज । जेविएम फूटबल एकेडेमी लखनउ प्रथम खजुरा गोल्डकपको सेमिफाइनलमा प्रवेश गरेको छ । बुधबार सम्पन्न खेलमा आयोजक न्यू डाँफे स्पोर्ट्स क्लब खजुरालाई १–० गोल अन्तरले हराउँदै जेविएम 'एम्टी एरिना' प्रथम खजुरा गोल्डकप फुटबल प्रतियोगिताको सेमिफाइनलमा प्रवेश गरेको हो । जेविएम एफएका अरुण अधिकारीले खेलको ३३औं मिनेटमा गरेको एक मात्र गोल निर्णायक बनेपछि घरेलुु टोली स्तब्ध भयो । खेलका म्यान अफ द म्याच उमेश दर्लामीलाई खजुरा गाउँपालिकाकी उपाध्यक्ष मन्जु मल्ल र वडा अध्यक्ष टेकबहादुर रोका क्षेत्रीले नगद १० हजार रुपैयाँले पुरस्कृत गरे ।

न्यू डाँफे स्पोर्ट्स क्लबको आयोजनामा सोमबारदेखि प्रतियोगिता सुरु भएको हो । नकआउट आधारमा खेलाइने उक्त प्रतियोगिता वैशाख ६ गतेसम्म चल्ने प्रतियोगिताका प्रचार संयोजक खगेन्द्र दाहालले जानकारी दिए । प्रतियोगितामा आयोजक न्यू डाँफे स्पोर्ट्स क्लबसहित जेविएम फूटबल एकेडेमी लखनउ, काँक्रेविहार क्लब सुर्खेत, फोर ब्रदर्श एफसी नवलपरासी, एपीएफ काठमाडौँ र नाइजेरियन जोन क्लब नाइजेरिया गरी ८ टोलीको सहभागिता छ ।

प्रतियोगिताका विजेता टिमले नगद ७ लाखसहित ट्रफी, मेडल र प्रमाणपत्र तथा उपविजेता टिमले नगद ४ लाखसहित ट्रफी, मेडल र प्रमाणपत्र प्राप्त गर्नेछन् ।

प्रकाशित मिति: बुधबार, वैशाख २, २०८३ २०:३८

प्रतिक्रिया दिनुहोस्