खजुरा गोल्ड कपः नाइजेरियन जोन क्लब सेमिफाइनलमा, अन्तिम चारको टुंगो लाग्यो

खेलकुद

गृहपृष्ठ
खेलकुद
खजुरा गोल्ड कपः नाइजेरियन जोन क्लब सेमिफाइनलमा, अन्तिम चारको टुंगो लाग्यो

खजुरा गोल्ड कपः नाइजेरियन जोन क्लब सेमिफाइनलमा, अन्तिम चारको टुंगो लाग्यो

बिहीबार, वैशाख ३, २०८३ बागेश्वरी पोस्ट

खजुरा (बाँके) । विदेशी टोली नाइजेरियन जोन क्लब प्रथम खजुरा गोल्डकपको सेमिफाइनलमा प्रवेश गरेको छ । यो संगै प्रतियोगिताको सेमिफाइनल समिकरण पूरा भएको छ । यसअघि गोर्खा ब्वाइज स्पोर्ट्स क्लब बुटवल, फोर ब्रदर्श एफसी नवलपरासी र जेविएम फूटबल एकेडेमी लखनउ सेमिफाइनलमा प्रवेश गरिसकेका छन् ।

विहिबार सम्पन्न खेलमा सशस्त्र प्रहरीको एपीएफ क्लबलाई ३–० गोल अन्तरले हराउँदै नाइजेरियन जोन क्लब ‘एम्टी एरिना’ प्रथम खजुरा गोल्डकप फुटबल प्रतियोगिताको सेमिफाइनलमा प्रवेश गरेको हो । खेलका म्यान अफ द म्याच दुई गोल गरेका नाइजेरियन खेलाडी ताजुदिन अकिनसोलालाई खजुरा गाउँपालिकाका अध्यक्ष डम्बर बहादुर विकले १० हजार रुपैयाँसहित पुरस्कृत गरे ।

न्यू डाँफे स्पोर्ट्स क्लबको आयोजनामा सोमबारदेखि प्रतियोगिता सुरु भएको हो । नकआउट आधारमा खेलाइने प्रतियोगिता वैशाख ६ गतेसम्म चल्ने प्रतियोगिताका प्रचार संयोजक खगेन्द्र दाहालले जानकारी दिए । प्रतियोगितामा आयोजक न्यू डाँफे स्पोर्ट्स क्लबसहित जेविएम फुटबल एकेडेमी लखनउ, काँक्रेविहार क्लब सुर्खेत, फोर ब्रदर्श एफसी नवलपरासी, एपीएफ काठमाडौँ र नाइजेरियन जोन क्लब नाइजेरिया गरी ८ टोलीको सहभागिता छ ।

प्रतियोगिताका विजेता टिमले नगद ७ लाखसहित ट्रफी, मेडल र प्रमाणपत्र तथा उपविजेता टिमले नगद ४ लाखसहित ट्रफी, मेडल र प्रमाणपत्र प्राप्त गर्नेछन् । विजेता पुरस्कार खजुराबासी हाल अमेरिका निवासी लिलबहादुर थापाको सौजन्यमा प्रदान गरिनेछ ।

प्रकाशित मिति: बिहीबार, वैशाख ३, २०८३ १९:५१

प्रतिक्रिया दिनुहोस्