जेविएम फूटबल एकेडेमी लखनउ प्रथम खजुरा गोल्डकपको फाइनलमा प्रवेश

खेलकुद

गृहपृष्ठ
खेलकुद
जेविएम फूटबल एकेडेमी लखनउ प्रथम खजुरा गोल्डकपको फाइनलमा प्रवेश

जेविएम फूटबल एकेडेमी लखनउ प्रथम खजुरा गोल्डकपको फाइनलमा प्रवेश

शुक्रबार, वैशाख ४, २०८३ बागेश्वरी पोस्ट

नेपालगञ्ज । जेविएम फूटबल एकेडेमी लखनउ प्रथम खजुरा गोल्डकपको फाइनलमा प्रवेश गरेको छ । शुक्रबार सम्पन्न पहिलो सेमिफाइनल खेलमा गोर्खा ब्वाइज स्पोर्ट्स क्लब बुटवललाई ३–१ गोल अन्तरले हराउँदै जेविएम फूटबल एकेडेमी ‘एम्टी एरिना’ प्रथम खजुरा गोल्डकप फुटबल प्रतियोगिताको फाइनलमा प्रवेश गरेको हो ।

न्यू डाँफे स्पोर्ट्स क्लबको आयोजनामा सोमबारदेखि प्रतियोगिता सुरु भएको हो । नकआउट आधारमा खेलाइने प्रतियोगिता वैशाख ६ गतेसम्म चल्ने प्रतियोगिताका प्रचार संयोजक खगेन्द्र दाहालले जानकारी दिए । प्रतियोगितामा आयोजक न्यू डाँफे स्पोर्ट्स क्लबसहित जेविएम फुटबल एकेडेमी लखनउ, काँक्रेविहार क्लब सुर्खेत, फोर ब्रदर्श एफसी नवलपरासी, एपीएफ काठमाडौँ र नाइजेरियन जोन क्लब नाइजेरिया गरी ८ टोलीको सहभागिता छ ।

प्रतियोगिताका विजेता टिमले नगद ७ लाखसहित ट्रफी, मेडल र प्रमाणपत्र तथा उपविजेता टिमले नगद ४ लाखसहित ट्रफी, मेडल र प्रमाणपत्र प्राप्त गर्नेछन् । विजेता पुरस्कार खजुराबासी हाल अमेरिका निवासी लिलबहादुर थापाको सौजन्यमा प्रदान गरिनेछ ।

प्रकाशित मिति: शुक्रबार, वैशाख ४, २०८३ २०:१८

प्रतिक्रिया दिनुहोस्