पाँचौं मेयर कप जुडो खेलकुद प्रतियोगिताः वडा नम्बर २२ प्रथम

खेलकुद

गृहपृष्ठ
खेलकुद
पाँचौं मेयर कप जुडो खेलकुद प्रतियोगिताः वडा नम्बर २२ प्रथम

पाँचौं मेयर कप जुडो खेलकुद प्रतियोगिताः वडा नम्बर २२ प्रथम

शनिबार, वैशाख ५, २०८३ बागेश्वरी पोस्ट

रविन्द्र घिमिरे/नेपालगञ्ज । नेपालगञ्ज उपमहानगरपालिका कारकाँदोमा आयोजित पाँचौं मेयर कप जुडो खेलकुद प्रतियोगिता २०८३ आज समापन भएको छ । बाँके जिल्ला जुडो संघको आयोजना र उपमहानगरपालिकाको आर्थिक सहयोगमा शुक्रबारदेखि सुरु भएको प्रतियोगिता शनिबार सम्पन्न भएको हो ।

कार्यक्रममा बोल्दै मेयर प्रशान्त विष्टले खेलकुदले नगर स्तरमै मात्र नभई राष्ट्रिय र अन्तर्राष्ट्रिय स्तरसम्म सफलता हासिल गर्न महत्वपूर्ण भूमिका खेल्ने बताए । उनले आगामी वर्षहरूमा पनि खेलकुदको प्रवद्र्धन र विकासका लागि नियमित रूपमा सहकार्य गर्ने प्रतिबद्धता व्यक्त गरे । प्रतियोगितामा वडा नम्बर २२ प्रथम, वडा नम्बर १८ दोस्रो, वडा नम्बर १९ तेस्रो र वडा नम्बर ६ चौथो स्थानमा रहे । विजेतालाई क्रमशः ७ हजार, ५ हजार र ३ हजार नगद पुरस्कार र प्रमाणपत्र प्रदान गरिएको थियो । पुरुष र महिला श्रेणीमा उत्कृष्ट खेलाडीलाई पनि ५ हजार नगदसहित सम्मान गरिएको थियो ।विजेता खेलाडीलाई मेयर विष्टले पुरस्कार, शिल्ड तथा प्रमाणपत्र वितरण गरेका थिए ।

समापन कार्यक्रमको अध्यक्षता बाँके जिल्ला जुडो संघका अध्यक्ष पदम बहादुर वुढाथोकीले गरेका थिए भने प्रमुख अतिथि नेपालगञ्ज उपमहानगरपालिकाका मेयर विष्ट थिए । उपाध्यक्ष नकुल खत्रीले स्वागत गरेका थिए । कार्यक्रम सञ्चालन शिव कुमार वर्माले गरेका थिए । त्सस अवसरमा जिल्ला, प्रदेश र राष्ट्रिय स्तरका जुडो संघका पदाधिकारीहरू पनि उपस्थित थिए ।

प्रकाशित मिति: शनिबार, वैशाख ५, २०८३ १७:१५

प्रतिक्रिया दिनुहोस्