नेपालगञ्जमा प्रथम खुल्ला धम्बोझी ब्याडमिन्टन प्रतियोगिता हुँदै

खेलकुद

गृहपृष्ठ
खेलकुद
नेपालगञ्जमा प्रथम खुल्ला धम्बोझी ब्याडमिन्टन प्रतियोगिता हुँदै

नेपालगञ्जमा प्रथम खुल्ला धम्बोझी ब्याडमिन्टन प्रतियोगिता हुँदै

बुधबार, वैशाख १६, २०८३ बागेश्वरी पोस्ट

नेपालगञ्ज । नेपालगञ्जमा प्रथम खुल्ला धम्बोझी ब्याडमिन्टन प्रतियोगिता हुने भएको छ । धम्बोझी ब्याडमिन्टन प्रशिक्षण केन्द्र वाटरपार्कले यही बैशाख १९ गतेदेखि प्रथम खुल्ला व्याडमिन्टन प्रतियोगिता आयोजना गरेको हो ।

प्रतियोगितामा पुरुष डबल्स भेट्रान्स ५० प्लस खुल्ला, पुरुष डबल्स बी लेबल खुल्ला, पुरुष डबल्स सी लेबल (बाँके जिल्ला स्तरीय) इभेन्टहरु सञ्चालन हुने आयोजक केन्द्रका सदस्य इन्द्र रानाले जानकारी दिए । उनका अनुसार टिम दर्ताको कार्य चलिरहेको छ । प्रतियोगिता सञ्चालन गर्न नेपालगञ्ज उपमहानगरपालिका, नेपालगञ्ज वडा नम्बर १ को कार्यालयले सहकार्य गरेका छन् भने नेपाल ब्याडमिन्टन संघ काठमाण्डौं र बाँके जिल्ला ब्याडमिन्टन संघ नेपालगञ्जले प्राविधिक सहकार्य गरेको नेपालगञ्ज उपमहानगरपालिका वडा नम्बर १ का वडा अध्यक्ष प्रमोद रिजालले जानकारी दिए ।

आयोजकका अनुसार बैशाख १७ गते साँझ ५ बजेसम्म टिम दर्ता हुने, बैशाख १८ गते साँझ टाइसिट प्रकाशन गरिने र बैशाख १९ र २० गते प्रतियोगिता सञ्चालन हुनेछ । प्रतियोगिता वाटरपार्कमा निर्माण गरिएको ब्याडमिन्टन प्रशिक्षण केन्द्रको कवर्ड हलमा सञ्चालन गरिनेछ । प्रतियोगितामा पुरुष डबल्स भेट्रान्सतर्फ प्रथम हुनेले ३० हजार, द्वितीय हुनेले २० हजार र तृतीय हुनेले १०/१० हजार, पुरुष डबल्स बी लेवल खुल्लातर्फ प्रथम हुनेले ४० हजार, द्वितीय हुनेले २५ हजार र तृतीय हुनेले १०/१० हजार र पुरुष डबल्स सी लेबल जिल्लास्तरीयतर्फ प्रथम हुनेले २५ हजार, द्वितीय हुनेले १५ हजार र तृतीय हुनेले क्रमशः ८/८ हजार पुरस्कार पाउने आयोजक केन्द्रका अध्यक्ष जनार्दन रत्न मल्ल ठकुरीले बताए ।

यस्तै भदौ २३ गतेको जेनजी आन्दोलनमा काठमाडौंमा सहादत प्राप्त गरेका नेपालगञ्जका जेनजी युवाद्वय सहिद ई. सुलभराज श्रेष्ठ र सहिद आयुष थापाको स्मृतिमा नेपालगञ्ज वडा नम्बर १ ले शालिकसहितको ओपन जिम पार्क, योगा भवन निर्माण गरेको छ । सहिदको स्मृतिमा निर्माण गरिएको अर्धकदको शालिकको अनावरण तथा भवन र ओपन जिमको १८ गते उद्घाटन गरिने वडा अध्यक्ष रिजालले बताए । रिजालले वडा नम्बर १ लाई खेलकुदको हब बनाउन पर्यत्नरत रहेको बताएका छन् । त्यसका लागि निरन्तर काम भइरहेको उनको भनाई छ ।

प्रकाशित मिति: बुधबार, वैशाख १६, २०८३ २०:१०

प्रतिक्रिया दिनुहोस्