आयोजक कोहलपुर रेसिङ सहारा क्लब कोहलपुर गोल्डकपको फाइनलमा प्रवेश

खेलकुद

गृहपृष्ठ
खेलकुद
आयोजक कोहलपुर रेसिङ सहारा क्लब कोहलपुर गोल्डकपको फाइनलमा प्रवेश

आयोजक कोहलपुर रेसिङ सहारा क्लब कोहलपुर गोल्डकपको फाइनलमा प्रवेश

बुधबार, वैशाख २३, २०८३ बागेश्वरी पोस्ट

नेपालगञ्ज । कोहलपुर रेसिङ सहारा क्लब कोहलपुर गोल्डकप फुटबल प्रतियोगिताको फाइनलमा प्रवेश गरेको छ । बाँकेको कोहलपुरमा जारी चौथो संस्करणको कोहलपुर गोल्डकप प्रतियोगिताको पहिलो सेमिफाइनल खेलमा लालीगुराँस एसोसिएसन क्लबलाई २-१ गोल अन्तरले हराउँदै आयोजक रेसिङ सहारा क्लब फाइनलमा प्रवेश गरेको हो ।खेलको ‘म्यान अफ द म्याच’ रेसिङ साहाराका ओम प्रकाश चौधरी घोषित भए । उनले नगद पाँच हजार रुपैयाँ प्राप्त गरे ।

प्रतियोगितामा आयोजक कोहलपुर रेसिङ सहारा क्लब, पञ्चकोशी युवा क्लब, लालीगुराँस एसोसिएसन क्लब, सातदोबाटो युवा क्लब, जस्ट जोन एफसी (नाइजेरिया), रोयल फुटबल क्लब (कर्णाली), राइजिङ स्टार क्लब (नवलपरासी) र नेपाल पुलिस क्लब सहभागी छन् ।

प्रतियोगिताको विजेताले आठ लाख र उपविजेताले चार लाख रुपैयाँ नगद पुरस्कार प्राप्त गर्नेछन् । कोहलपुर-२ स्थित तेह्र बिघा खेल मैदानमा शनिबारदेखि प्रतियोगिता सुरु भएको हो । प्रतियोगिता बैशाख २६ गतेसम्म चल्नेछ ।

प्रकाशित मिति: बुधबार, वैशाख २३, २०८३ २०:५४

प्रतिक्रिया दिनुहोस्