चौथो कोहलपुर गोल्डकपको उपाधि आयोजक कोहलपुर रेसिङ सहाराले जित्यो

खेलकुद

गृहपृष्ठ
खेलकुद
चौथो कोहलपुर गोल्डकपको उपाधि आयोजक कोहलपुर रेसिङ सहाराले जित्यो

चौथो कोहलपुर गोल्डकपको उपाधि आयोजक कोहलपुर रेसिङ सहाराले जित्यो

शनिबार, वैशाख २६, २०८३ बागेश्वरी पोस्ट

नेपालगञ्ज । चौथो कोहलपुर गोल्डकपको उपाधि आयोजक कोहलपुर रेसिङ सहारा क्लबले जितेको छ । निकै प्रतिष्पर्धात्मक तथा रोचक फाइनल खेलमा कोहलपुर रेसिङ सहारा क्लबले नेपाल पुलिस क्लबलाई सडन डेथमा पराजित गरेको हो । निर्धारित अवधिको खेल एक-एक गोलको बराबरीमा सकिएपछि पेनाल्टी शुट आउटमा धकेलिएको थियो । पेनाल्टी शुट आउटबाट पनि परिणाम ननिस्केपछि सडन डेथको सहारा लिनुपरेको थियो । उपाधिसंगै रेसिङ सहाराले ट्रफीसहित आठ लाख रुपैयाँ हात पारेको छ भने पुलिसले उपविजेता बन्दै चार लाखमै चित्त बुझाएको छ ।

प्रतियोगिताका बिजेता, उपबिजेता तथा विधागत रूपमा उत्कृष्ट हुने खेलाडीहरूलाई कोहलपुर नगरपालिकाका नगर प्रमुख पुर्ण प्रसाद आचार्य लगायत अतिथिहरूले चेक, ट्रफी तथा मेडल प्रदान गरेका थिए । बैशाख १९ गतेदेखि सुरु भएको प्रतियोगितामा आयोजक कोहलपुर रेसिङ सहारा क्लब, पञ्चकोशी युवा क्लब, लालीगुराँस एसोसिएसन क्लब, सातदोबाटो युवा क्लब, जस्ट जोन एफसी (नाइजेरिया), रोयल फुटबल क्लब (कर्णाली), राइजिङ स्टार क्लब ९नवलपरासी० र नेपाल पुलिस क्लब सहभागी थिए । कोहलपुर-२ स्थित तेह्र बिघा खेल मैदानमा प्रतियोगिता आयोजना भएको हो ।

प्रकाशित मिति: शनिबार, वैशाख २६, २०८३ २१:१३

प्रतिक्रिया दिनुहोस्