एसइईमा युनाइटेडको उत्कृष्ट नतिजा, दुई छात्राले ल्याए ४ जिपिए

शिक्षा

गृहपृष्ठ
शिक्षा
एसइईमा युनाइटेडको उत्कृष्ट नतिजा, दुई छात्राले ल्याए ४ जिपिए

एसइईमा युनाइटेडको उत्कृष्ट नतिजा, दुई छात्राले ल्याए ४ जिपिए

बुधबार, वैशाख ३०, २०८३ बागेश्वरी पोस्ट

नेपालगञ्ज । नेपालगञ्ज-१२ स्थित युनाइटेड एजुकेशनल एकेडेमीले यस वर्षको माध्यमिक शिक्षा परीक्षा (एसईई) मा उत्कृष्ट नतिजा हासिल गरेको छ । विद्यालयका दुई छात्राले ४ जिपिए ल्याउँदै विद्यालयको गौरव समेत बढाएका छन् । विद्यालयका अनुसार छात्रा सोनिया पाण्डे र सुविक्षा सिंह ठाकुरीले ४ जिपिए प्राप्त गरेका हुन् । विद्यालयले सार्वजनिक गरेको नतिजा अनुसार अधिकांश विद्यार्थीले उच्च जिपिए हासिल गरेका छन् ।

विद्यालयका प्रबन्ध निर्देशक विकास बज्राचार्यले मेहनती विद्यार्थी, अभिभावकको साथ तथा शिक्षकहरूको समर्पणका कारण उत्कृष्ट नतिजा सम्भव भएको बताए । उनले आगामी दिनमा अझ गुणस्तरीय शिक्षा प्रदान गर्दै विद्यार्थीलाई प्रतिष्पर्धी बनाउन विद्यालय प्रतिबद्ध रहेको उल्लेख गरे ।

विद्यालयका अनुसार १४ जना विद्यार्थीले ३.६० देखि ४.०० जिपिए प्राप्त गरेका छन् भने ३६ जनाले ३.२० देखि ३.६० जिपिए हासिल गरेका छन् । यस्तै ७ जना विद्यार्थीले २.८० देखि ३.२० जिपिए ल्याएका छन् । एसइईमा युनाइटेडबाट ५७ जना विद्यार्थी सहभागी थिए ।

May be an illustration of ticket stub and text उत्कृष्ट नतिजा आएपछि विद्यालय परिवारले विद्यार्थी, अभिभावक तथा शिक्षकप्रति आभार व्यक्त गरेको छ ।