एसियन गेम्स छनौट खेलमा नेपालले चीनलाई २२१ रनले हरायो, नेपालले लक्ष्य दिएको थियो ३१४ रनको

खेलकुद

गृहपृष्ठ
खेलकुद
एसियन गेम्स छनौट खेलमा नेपालले चीनलाई २२१ रनले हरायो, नेपालले लक्ष्य दिएको थियो ३१४ रनको

एसियन गेम्स छनौट खेलमा नेपालले चीनलाई २२१ रनले हरायो, नेपालले लक्ष्य दिएको थियो ३१४ रनको

आइतबार, जेठ १७, २०८३ बागेश्वरी पोस्ट

काठमाडौं । एसियन गेम्स छनौट खेलमा नेपालले चीनलाई २२१ को विशाल रनअन्तरले पराजित गरेको छ । नेपालले दिएको ३१४ रनको लक्ष्य पछ्याउँदै जवाफी ब्याटिङमा उत्रिएको चीनले १९.२ ओभरमा सबै विकेट गुमाउँदै ९२ रन मात्र बनायो ।

चीनका लागि शेन-जियान झेङले सर्वाधिक ३१ रन बनाए । नेपालका लागि सोमपाल कामीले २, सन्दिप लामिछानेले २ र कुशल मल्लले ३ तथा नन्दन यादवले १ विकेट लिए ।

पहिलो ब्याटिङ गरेको नेपालका लागि ओपनिङ ब्याटर कुशल भुर्तेलले एकै ओभरमा ६ छक्का प्रहार गर्दै ४३ बलमा १२९ रन बनाएर आउट भएका हुन् । उनले १६ छक्का र ५ चौका प्रहार गरेका थिए । त्यसैगरि कुशल मल्ल नटआउट रहदै ८५ रन बनाए भने रोहित पौडेलले ६९ रन बनाए । आशिफ शेखले ११ रन बनाएर आउट भएका थिए ।

चीनका लागि मा कुइनचेन र डेंग जिंकीले १-१ विकेट लिएका थिए ।

प्रकाशित मिति: आइतबार, जेठ १७, २०८३ १०:३७

प्रतिक्रिया दिनुहोस्