बैजनाथमा सिकाई साझेदारी बैठक

शिक्षा

गृहपृष्ठ
शिक्षा
बैजनाथमा सिकाई साझेदारी बैठक

बैजनाथमा सिकाई साझेदारी बैठक

सोमबार, जेठ २५, २०८३ बागेश्वरी पोस्ट

नेपालगन्ज । जलवायु परिवर्तन सम्बन्धी बिद्यालय स्तरीय सचेतना कार्यक्रम अन्तरगत बैजनाथ गाउँपालिकामा सिकाइ साझेदारी बैठक सम्पन्न भएको छ । बैजनाथ गाउँपालिकाको सहयोगमा बास नेपालद्वारा आयोजित उक्त छलफल तथा समिक्षा बैठकमा जलवायु परिवर्तन सचेतना कार्यक्रमले छोटो समयमा राम्रो उपलब्धि हासिल भएको प्रधानाध्यापकहरुले बताएका छन् । कार्यक्रमको बोल्दै सुर्योदय माबि चिसापानीका प्रधानाध्यापक दिपक बहादुर शाहीले जलवायु सचेतना कार्यक्रम प्रभावकारी रहेको बताए । जलवायु परिवर्तन अहिलेको आवश्यकता रहेको बताउँदै बिद्यार्थीसँगै अभिभावक सचेतनामा उनको जोड थियो । बिद्यालय सरसफाई र हरियालीसँगै शुद्ध पिउने पानी लगायतका आधारभूत कुराहरु समाधानमा पालिकाले जोड दिनुपर्नेमा सहभागी प्रधानाध्यापकहरुको जोड थियो । बैठकको क्रममा जलवायु परिवर्तन कार्यक्रममा सहभागी बिद्यार्थीहरुले अनुभव आदानप्रदान गरेका थिए ।

बास नेपालका केन्द्रीय महासचिब कल्पना अधिकारीले सहजीकरण गरेको बैठकमा जलवायु परिवर्तन सम्बन्धी सचेतना कार्यक्रमको उद्देश्य, कार्यक्रम अन्तर्गत प्राप्त महत्वपूर्ण उपलब्धिहरु, सिकाई, समस्या, चुनौती र आगामी योजनाका बिषयमा बास नेपालका निर्देशक हेमराज भट्टले प्रस्तुतिकरण गरेका थिए । बैठकमा बैजनाथ गाउँपालिका वडा नम्बर १ को सूर्योदय माबि, वडा नम्बर ५ का सुन्दर आबि, सिंह भवानी आबि र नेरा माबि गुरुवागाँउ र वडा नम्बर ७ को नेरा माबि पेडारीका प्रधानाध्यापक, सम्पर्क शिक्षक र जलवायु क्लबमा आबद्ध बिद्यार्थीहरुको सहभागिता रहेको थियो ।

प्रकाशित मिति: सोमबार, जेठ २५, २०८३ १९:४९

प्रतिक्रिया दिनुहोस्