फिफा विश्वकप २०२६: जर्मनी, आइभरी कोष्ट र स्वीडेन विजयी, नेदरल्यान्ड्स–जापान बराबरी

खेलकुद

गृहपृष्ठ
खेलकुद
फिफा विश्वकप २०२६: जर्मनी, आइभरी कोष्ट र स्वीडेन विजयी, नेदरल्यान्ड्स–जापान बराबरी

फिफा विश्वकप २०२६: जर्मनी, आइभरी कोष्ट र स्वीडेन विजयी, नेदरल्यान्ड्स–जापान बराबरी

सोमबार, असार १, २०८३ बागेश्वरी पोस्ट

काठमाडौँ । फिफा विश्वकप २०२६ अन्तर्गत समूह चरणका खेलहरूमा जर्मनी, आइभरी कोष्ट र स्वीडेनले विजयी सुरुआत गरेका छन् भने नेदरल्यान्ड्स जापानसँग बराबरीमा रोकिएको छ ।

समूह ‘ई’ को पहिलो खेलमा जर्मनीले विश्वकप डेब्युटेन्ट कुराकाओलाई ७–१ गोल अन्तरले पराजित गर्दै प्रभावशाली सुरुआत गर्यो । अमेरिकाको ह्युस्टनस्थित एनआरजी स्टेडियममा भएको खेलमा जर्मनीका लागि फेलिक्स नेमेचा, निको श्लोटरबेक, काइ हाभेर्ट्स (२), जमाल मुसियाला, नेथानियल ब्राउन र डेनिस उन्डाभले गोल गरे। कुराकाओका लागि लिभानो कोमेनेन्सियाले विश्वकप इतिहासको पहिलो गोल गरेका थिए ।

यही समूहको अर्को खेलमा नेदरल्यान्ड्सले दुईपटक अग्रता लिए पनि त्यसलाई जोगाउन नसक्दा जापानसँग २–२ को बराबरी खेल्यो । भर्जिल भान डाइक र क्रिसेन्सो समरभिलले नेदरल्यान्ड्सका लागि गोल गर्दा जापानका केइतो नाकामुरा र डाइची कामाडाले बराबरी गोल फर्काए । दुवै टोलीले एक–एक अंक बाँड्दै प्रतियोगिताको सुरुआत गरेका छन् ।

समूह ‘ई’ कै अर्को खेलमा आइभरी कोष्टले इक्वेडरलाई १–० ले पराजित गर्यो । लिंकन फाइनान्सियल फिल्डमा भएको प्रतिस्पर्धात्मक खेलमा अमड डियाल्लोले ९०औँ मिनेटमा निर्णायक गोल गर्दै टोलीलाई महत्वपूर्ण तीन अंक दिलाए । इक्वेडरले बल नियन्त्रणमा वर्चस्व जमाए पनि गोल गर्न नसक्दा हार बेहोर्नुपर्यो ।

यता स्वीडेनले ट्युनिसियामाथि ५–१ को फराकिलो जित निकाल्दै प्रतियोगितामा दमदार सुरुआत गरेको छ । दोस्रो हाफमा भिक्टोर ग्योकेरेस, माटियास स्भानवर्ग र यासिन अयारी (२) को गोलमा स्वीडेनले सहज जित दर्ता गर्यो । स्भानवर्गको गोल सुरुमा अफसाइड ठहर भए पनि भिडियो सहायक रेफ्री (VAR) को समीक्षापछि मान्यता दिइएको थियो ।

यी नतिजासँगै जर्मनी, आइभरी कोष्ट र स्वीडेनले विजयी सुरुआत गर्दै समूह चरणमा महत्वपूर्ण तीन–तीन अंक जोडेका छन् भने नेदरल्यान्ड्स र जापानले बराबरीबाट आफ्नो अभियान थालेका छन् ।

प्रकाशित मिति: सोमबार, असार १, २०८३ १०:३३

प्रतिक्रिया दिनुहोस्