विश्वकप २०२६: डेब्यु टोली उज्बेकिस्तान कोलम्बियासँग ३-१ ले पराजित

खेलकुद

गृहपृष्ठ
खेलकुद
विश्वकप २०२६: डेब्यु टोली उज्बेकिस्तान कोलम्बियासँग ३-१ ले पराजित

विश्वकप २०२६: डेब्यु टोली उज्बेकिस्तान कोलम्बियासँग ३-१ ले पराजित

बिहीबार, असार ४, २०८३ बागेश्वरी पोस्ट

काठमाडौँ । फिफा विश्वकप २०२६ अन्तर्गत समूह ‘के’ को खेलमा कोलम्बियाले एसियन डेब्यु टोली उज्बेकिस्तानलाई २–१ ले पराजित गर्दै प्रतियोगितामा विजयी सुरुआत गरेको छ ।

मेक्सिको सिटीस्थित एस्टाडियो अज्टेकामा भएको खेलमा कोलम्बियाले ४०औँ मिनेटमा डानियल मुनोजको गोलबाट अग्रता लिएको थियो । लुइस डियाजको पासमा मुनोजले गोल गर्दै टोलीलाई पहिलो हाफमै १–० को अवस्थामा पुर्‍याएका थिए ।

दोस्रो हाफको ६०औँ मिनेटमा अब्बोसबेक फायजुल्लाएभले गोल गर्दै उज्बेकिस्तानलाई १–१ को बराबरीमा ल्याए । विश्वकपमा पहिलो पटक सहभागी भएको उज्बेकिस्तानका लागि यो ऐतिहासिक गोलसमेत बन्यो ।

तर, बराबरीको खुसी धेरै समय टिक्न सकेन । खेलको ६५औँ मिनेटमा लुइस डियाजले गोल गर्दै कोलम्बियालाई पुनः २–१ को अग्रता दिलाए । त्यसपछि थप गोल हुन नसक्दा कोलम्बियाले महत्वपूर्ण तीन अंक हात पार्यो ।

यस जितसँगै कोलम्बियाले समूह ‘के’ मा तीन अंक जोडेको छ । उक्त समूहको पहिलो खेलमा पोर्चुगल र डेमोक्रेटिक रिपब्लिक कंगो १-१ गोलको बराबरी खेलेका थिए ।

प्रकाशित मिति: बिहीबार, असार ४, २०८३ १०:००

प्रतिक्रिया दिनुहोस्