नेपालगन्जमा जारी मेयर कप हक्की प्रतियोगिताको फाइनल समीकरण पूरा

खेलकुद

गृहपृष्ठ
खेलकुद
नेपालगन्जमा जारी मेयर कप हक्की प्रतियोगिताको फाइनल समीकरण पूरा

नेपालगन्जमा जारी मेयर कप हक्की प्रतियोगिताको फाइनल समीकरण पूरा

शुक्रबार, असार ५, २०८३ बागेश्वरी पोस्ट

नेपालगन्ज । नेपालगन्जमा जारी प्रथम मेयर कप महिला तथा पुरुष 5S हक्की प्रतियोगिता-२०८३ को फाइनल समीकरण पूरा भएको छ । महिलातर्फ त्रिभुवन चोक क्लब र बाँके गाउँ क्लब तथा पुरुषतर्फ महेन्द्र पार्क क्लब र बाँके गाउँ क्लब फाइनलमा प्रवेश गरेका छन् ।महिलातर्फ त्रिभुवन चोक क्लबले लिग चरणमा २ जीत र २ हारसहित ६ अंक र बाँके गाउँ क्लबले ३ खेलमा अपराजित रहँदै ९ अंक प्राप्त गरी फाइनलमा प्रवेश गरेका हुन् ।

त्यस्तै पुरुषतर्फ महेन्द्र पार्क क्लब र बाँके गाउँ क्लबले लिग चरणमा १ हार र २ जीतसंगै समान ७/७ अंक हासिल गर्दै फाइनलमा प्रवेश गरेका हुन् । फाइनल खेल आज बेलुका ५:३० बजे हुने आयोजकले जनाएको छ । नेपालगन्ज उपमहानगरपालिकाको सहयोग तथा पूर्व खेलाडी समाज बाँकेको आयोजनामा प्रथम मेयर कप महिला तथा पुरुष 5S हक्की प्रतियोगिता–२०८३ बिहिवारदेखि नेपालगञ्जमा सुरु भएको हो । प्रतियोगितामा ४ महिला तथा ४ पुरुष टोलीको सहभागिता रहेको छ ।

प्रकाशित मिति: शुक्रबार, असार ५, २०८३ १५:२२

प्रतिक्रिया दिनुहोस्