नेदरल्यान्ड्सले स्वीडेनलाई ५-१ ले हरायो, जर्मनीद्वारा आइभरी कोस्ट पराजित

खेलकुद

गृहपृष्ठ
खेलकुद
नेदरल्यान्ड्सले स्वीडेनलाई ५-१ ले हरायो, जर्मनीद्वारा आइभरी कोस्ट पराजित

नेदरल्यान्ड्सले स्वीडेनलाई ५-१ ले हरायो, जर्मनीद्वारा आइभरी कोस्ट पराजित

आइतबार, असार ७, २०८३ बागेश्वरी पोस्ट

काठमाडौँ । फिफा विश्वकप २०२६ अन्तर्गत गएराति सम्पन्न समूह ‘एफ’ को खेलमा नेदरल्यान्ड्सले स्विडेन माथि ५–१ को प्रभावशाली जित दर्ता गरेको छ ।

नेदरल्यान्ड्सको जितमा ब्रायन ब्रोबेले ५औँ र १७औँ मिनेटमा दुई गोल गरे । कोडी गाक्पोले ४७औँ र ५४औँ मिनेटमा गोल थप्दा क्रेसेन्सियो समरभिलले ८९औँ मिनेटमा अर्को गोल गरे । स्विडेनका लागि एन्थोनी एलाङ्गाले ५९औँ मिनेटमा सान्त्वना गोल फर्काए ।

यस्तै, आज बिहान सम्पन्न समूह ‘ई’ को खेलमा जर्मनीले आइभरी कोस्ट लाई २–१ ले पराजित गरेको छ । आइभरी कोस्टका फ्रान्क केसीले ३०औँ मिनेटमा गोल गर्दै टोलीलाई अग्रता दिलाएका थिए । तर, दोस्रो हाफमा डेनिज उन्डाभ चम्किए । उनले ६८औँ र इन्जुरी समयको ९०+४औँ मिनेटमा गोल गर्दै जर्मनीलाई महत्वपूर्ण जित दिलाए । यो जितबाट जर्मनी अर्को चरममा पुगेको हो । पहिलो खेलमा जर्मनीले कुरासाओलाई ७-१ गोलले पराजित गरेको थियो ।

समूह ‘ई’ कै अर्को खेलमा इक्वेडर र कुरासाओ बीचको प्रतिस्पर्धा गोलरहित बराबरीमा सकिएको छ । दुवै टोलीले अवसर सिर्जना गरे पनि गोल गर्न नसक्दा अंक बाँड्न बाध्य भए ।

प्रकाशित मिति: आइतबार, असार ७, २०८३ ०८:३६

प्रतिक्रिया दिनुहोस्