मन्त्री यादवद्वारा नेपालगन्ज रंगशालाको निरीक्षण तथा अनुगमन

खेलकुद

गृहपृष्ठ
खेलकुद
मन्त्री यादवद्वारा नेपालगन्ज रंगशालाको निरीक्षण तथा अनुगमन

मन्त्री यादवद्वारा नेपालगन्ज रंगशालाको निरीक्षण तथा अनुगमन

आइतबार, असार ७, २०८३ बागेश्वरी पोस्ट

नेपालगञ्ज । लुम्बिनी प्रदेशका आन्तरिक मामिला तथा कानुन मन्त्री भण्डारीलाल यादवले साबिक मध्यपश्चिमाञ्चल क्षेत्रीय खेलकुद बिकास समिति नेपालगञ्ज अन्तर्गत रहेको नेपालगञ्ज रंगशाला लगायतका खेलकुद संरचनाहरुको निरीक्षण तथा अनुगमन गरेका छन् । आइतबार मन्त्री भण्डारीले नेपालगञ्ज रंगशाला परिसरभित्र रहेको पौडी पोखरी, कवर्ड हल, शुटिङ रेञ्ज लगायतका खेलकुदका संरचनाहरुको निरीक्षण तथा अनुगमन गरेका हुन् । सो क्रममा समितिका कार्यालय प्रमुख महेश चन्दले संरचनाहरुको संरक्षण, खेलकुदको अवस्था, समस्या र सम्भावनाका बारेमा जानकारी गराएका थिए । त्यसैगरी समितिका प्राबिधिक सल्लाहकार फरमान अली सिद्दिकी (सोनु) ले खेलकुद क्षेत्र, स्थानीय पालिका तथा प्रदेश सरकारबीच सही समन्वय हुन नसक्दा खेलकुदले गति लिन नसकेको बताए । लुम्बिनी प्रदेश खेलकुद परिषदका पूर्व सदस्य नरेन्द्र थापाले खेलकुद क्षेत्रको बिकासका लागि खेलाडी उत्पादन गर्न खेलाडी प्रतिभा खोजी अभियान, प्रतियोगिताको निरन्तर आयोजना, खेल सामग्रीको ब्यवस्थापन गर्न प्रदेश सरकारसँग पहल गरिदिन मन्त्री यादवलाई आग्रह गरे । मन्त्री यादवले बाँकेको खेल क्षेत्रको बिकास र संरक्षणका लागि आफूले सक्दो प्रयास गर्ने प्रतिबद्धता जनाए । उनले यसको लागि आफ्नो संसदीय कोषबाट मात्र नभई खेलकुद मन्त्रालय र प्रदेश सरकारसंग समेत कुरा गर्ने बताए ।

प्रकाशित मिति: आइतबार, असार ७, २०८३ २१:३३

प्रतिक्रिया दिनुहोस्