नेपालगञ्जमा व्यवसायी–पत्रकारबीच भएको मैत्रीपूर्ण फुटसल बराबरी

खेलकुद

गृहपृष्ठ
खेलकुद
नेपालगञ्जमा व्यवसायी–पत्रकारबीच भएको मैत्रीपूर्ण फुटसल बराबरी

नेपालगञ्जमा व्यवसायी–पत्रकारबीच भएको मैत्रीपूर्ण फुटसल बराबरी

बिहीबार, असार १८, २०८३ बागेश्वरी पोस्ट

नेपालगञ्ज । जुमा स्पोर्ट्स क्लबको आठौँ स्थापना दिवसको अवसरमा व्यवसायी र पत्रकारबीच आयोजित मैत्रीपूर्ण फुटसल प्रतियोगिता ४–४ गोलको बराबरीमा सकिएको छ ।

न्यूरोडस्थित नेपालगञ्ज फुटसलमा भएको खेलमा पत्रकार टोलीका तर्फबाट कुमार श्रेष्ठले २ तथा समिरमान श्रेष्ठ र कमल खत्रीले १–१ गोल गरे । व्यवसायी टोलीका खिम अधिकारी, कौशल आचार्य, भाष्कर काफ्ले र सन्तोष बजगाईले समान १–१ गोल गरेका थिए ।

पत्रकार टोलीमा नेपाल पत्रकार महासंघ बाँकेका अध्यक्ष नवीन गिरी, पूर्व अध्यक्ष झलक गैरे, नरेन्द्र थापा, शरण कर्माचार्य, अर्जुन वली, भगतराम थारु, समीर शाही लगायत सहभागी थिए । व्यवसायी टोलीमा बाँकेका प्रमुख जिल्ला अधिकारी दिलकुमार तामाङ, कृष्णप्रसाद श्रेष्ठ, भीम रानाभाट, श्यामसुन्दर अधिकारी, सञ्जय अग्रवाल, अधिवक्ता विकास आचार्य लगायतको सहभागिता रहेको थियो ।

खेल अघि क्लबको आठौँ स्थापना दिवसको अवसरमा केक काटिएको थियो । क्लबका अध्यक्ष डा. उदय अधिकारीको अध्यक्षतामा आयोजित कार्यक्रममा संस्थापक अध्यक्ष भीम रानाभाटले स्थापना कालको स्मरण गर्दै क्लबले खेलकुदसँगै सामाजिक गतिविधि सञ्चालन गर्दै आएको बताए । प्रमुख अतिथि प्रमुख जिल्ला अधिकारी तामाङले रेफ्री केशव रानालाई बल हस्तान्तरण गरी प्रतियोगिताको उद्घाटन गरेका थिए ।