विश्वकपको तेस्रो स्थान इङ्ल्याण्डलाई, फ्रान्स पराजित

खेलकुद

गृहपृष्ठ
खेलकुद
विश्वकपको तेस्रो स्थान इङ्ल्याण्डलाई, फ्रान्स पराजित

विश्वकपको तेस्रो स्थान इङ्ल्याण्डलाई, फ्रान्स पराजित

आइतबार, साउन ३, २०८३ बागेश्वरी पोस्ट

काठमाडौं । फिफा विश्वकप २०२६ को तेस्रो स्थानका लागि भएको रोमाञ्चक प्रतिस्पर्धामा इङ्ल्याण्डले फ्रान्सलाई ६–४ गोल अन्तरले पराजित गर्दै तेस्रो स्थान हासिल गरेको छ ।

गोलले भरिएको खेलमा इङ्ल्याण्डका लागि डेक्लान राइसले तेस्रो मिनेटमै गोल गर्दै टोलीलाई अग्रता दिलाएका थिए । त्यसपछि एज्री कोन्साले १८औँ मिनेटमा अर्को गोल थपे । बुकायो साकाले ३७औँ, पहिलो हाफको इन्जुरी समयमा (४५+१) र ८७औँ मिनेटमा पेनाल्टीमार्फत ह्याट्रिक पूरा गरे । खेलको अन्तिम इन्जुरी समयमा जुड बेलिङ्घमले अर्को गोल थप्दै इङ्ल्याण्डको जित सुनिश्चित गरे ।

फ्रान्सका लागि कप्तान किलियन एम्बाप्पेले ४८औँ र ६६औँ मिनेटमा दुई गोल गरे भने ब्राड्ली बारकोलाले ५४औँ मिनेटमा तथा उस्मान डेम्बेलेले इन्जुरी समय (९०+६) मा एक गोल फर्काए । तर, ती गोलहरू हार टार्न पर्याप्त भएनन् ।

यससँगै इङ्ल्याण्डले विश्वकपको तेस्रो स्थान आफ्नो नाम बनाएको छ भने फ्रान्स चौथो स्थानमा सीमित भएको छ।

अब विश्वकप २०२६ को उपाधिका लागि अर्जेन्टिना र स्पेनबीच फाइनल प्रतिस्पर्धा हुनेछ । दुवै टोली पहिलो पटक २०२६ संस्करणको विश्वविजेता बन्ने लक्ष्यसहित मैदान उत्रनेछन् ।

प्रकाशित मिति: आइतबार, साउन ३, २०८३ ०८:००

प्रतिक्रिया दिनुहोस्