लायन्स कोहलपुरद्वारा आयोजित रक्तदानमा ५१ पिन्ट रगत संकलन

स्वास्थ्य

गृहपृष्ठ
स्वास्थ्य
लायन्स कोहलपुरद्वारा आयोजित रक्तदानमा ५१ पिन्ट रगत संकलन

लायन्स कोहलपुरद्वारा आयोजित रक्तदानमा ५१ पिन्ट रगत संकलन

शुक्रबार, साउन २९, २०८३ बागेश्वरी पोस्ट

कोहलपुर (बाँके) । लायन्स इन्टरनेशनल डिष्ट्रिक्ट ३२५ एन नेपाल तथा लायन्स क्लब अफ कोहलपुर, लायन्स क्लब अफ कोहलपुर सयपत्री, लायन्स क्लब अफ प्रोफेसनल र लायन्स क्लब अफ कोहलपुर भ्यूको संयुक्त आयोजनामा शुक्रबार कोहलपुरमा आयोजित रक्तदान कार्यक्रममा ११ महिला र ४० पुरुष गरी ५१ जनाले रक्तदान गरेका छन् ।

कोहलपुर नगरपालिका–११, न्यूरोडस्थित गैरे अफसेट प्रेसको प्राङ्गणमा आयोजित कार्यक्रममा लायन्सका पदाधिकारी, विभिन्न क्षेत्रका व्यक्तित्व, जीवन ज्योति स्कुल कोहलपुरका शिक्षक–शिक्षिका तथा स्थानीय युवाहरूले उत्साहपूर्वक रक्तदान गरेका थिए ।

रक्तदान कार्यक्रमका संयोजक लायन्स राजेन्द्रप्रसाद रिजालसहित लायन्सका पदाधिकारी, इलाका प्रहरी कार्यालय कोहलपुरका प्रहरी कर्मचारी तथा विभिन्न सामाजिक क्षेत्रका व्यक्तिहरूको सहभागिता रहेको थियो ।

नेपाल रेडक्रस सोसाइटी बाँके शाखा अन्तर्गत रक्त सञ्चार इकाई केन्द्र कोहलपुरका प्रमुख राजेन्द्र महतरा लगायत प्राविधिक टोलीले रक्त संकलनमा सहयोग गरेको थियो । रक्तदान गर्ने सबैलाई प्रमाणपत्र प्रदान गरिएको आयोजकले जनाएको छ ।

कार्यक्रममा लायन्स इन्टरनेशनल डिष्ट्रिक्ट ३२५ एन नेपालका निवर्तमान डिष्ट्रिक्ट गभर्नर, डिष्ट्रिक्ट कोर्डिनेटर लायन्स टीकाराम चपाईं, शतक रक्तदाता पवन जायसवाल लगायतको सहभागिता रहेको थियो ।

प्रकाशित मिति: शुक्रबार, साउन २९, २०८३ २०:१२

प्रतिक्रिया दिनुहोस्