एनसेलले मंगलबार ४ अर्ब ६० करोड रुपैयाँ बुझायो

अर्थ

गृहपृष्ठ
अर्थ
एनसेलले मंगलबार ४ अर्ब ६० करोड रुपैयाँ बुझायो

एनसेलले मंगलबार ४ अर्ब ६० करोड रुपैयाँ बुझायो

मंगलबार, चैत १८, २०७६ बागेश्वरी पोस्ट

काठमाडौं । टेलियासोनेराबाट एक्जिएटमा आफ्नो शेयर बिक्री हुँदा लाग्ने लाभकरमध्ये एनसेलले मंगलबार ४ अर्ब ६० करोड रुपैयाँ बुझाएको छ। एनसेलले मंगलबार पुँजीगत लाभकरको दोस्रो किस्ता बुझाएको ठूला करदाता कार्यालयका प्रमुख झलकराम अधिकारीले जानकारी दिए ।

९ भदौ २०७६ मा सर्वोच्च अदालतले एनसेलको पुँजीगत लाभकरको विषयमा मुद्दा सुनुवाई गरेको थियो भने ५ मंसिर २०७६मा मा पूर्णपाठ सार्वजनिक गर्दै २१ अर्ब १० करोड रुपैयाँ कर लाग्ने ठहर गरेको थियो । त्यसलगत्तै ठूला करदाता कार्यालयले पुनः एनसेल प्रालिलाई पत्र पठाएको थियो ।

सर्वोच्चले ठहर गरेको रकम किस्तामा तिर्नको लागि समय दिन माग गरेको एनसेलले १५ पुसमा ४ अर्ब ५० करोड रुपैयाँ लाभकर बुझाएको थियो । दोस्रो किस्तामा ४ अर्ब ६० करोड गर्दै २१ अर्ब १० करोड मध्ये ९ अर्ब १० करोड रुपैयाँ एनसेलले बुझाएको छ ।

एनसेलले गरेको मागममा बिलम्व शुल्क लिएर किस्तामा दिन सकिने संकेत अर्थसचिव शिशिर ढुंगानाले संसदको लेखा समितिको बैठकमा गरेका थिए ।

लकडाउनको कारण देशको राजस्व न्यून मात्रै उठेको छ । पछिल्लो १ सातामा ३ अर्ब रुपैयाँको पनि राजस्व उठ्न नसेकोमा एनसेलले ४ अर्ब ६० करोड रुपैयाँ लाभकर बुझाएको हो ।

प्रकाशित मिति: मंगलबार, चैत १८, २०७६ १६:०८