कोरोनाको कहर : सवारी साधनदेखि तालिम गोष्ठीसम्म १४ शीर्षकको बजेट रोक्का

अर्थ

गृहपृष्ठ
अर्थ
कोरोनाको कहर : सवारी साधनदेखि तालिम गोष्ठीसम्म १४ शीर्षकको बजेट रोक्का

कोरोनाको कहर : सवारी साधनदेखि तालिम गोष्ठीसम्म १४ शीर्षकको बजेट रोक्का

शुक्रबार, चैत २१, २०७६ बागेश्वरी पोस्ट

अर्थ मन्त्रालय

काठमाडौं । विश्वभर कोरोनाभाइरस (कोभिड– १९)को महामारी फैलिरहेका बेला सरकारले विभिन्न १४ शीर्षकको बजेट रोक्का गरेको छ ।

अर्थमन्त्रालयका सचिव शिशिरकुमार ढुंगानाले महालेखा नियन्त्रकको कार्यालयलाई पत्र लेखी सेवा तथा परामर्श, कर्मचारीको तालिम, गोष्ठी, सवारी साधनलगायतका शीर्षकको बजेट रोक्का गरिएको जानकारी गराएका हुन् ।

'मन्त्रालय/निकायको स्वीकृत बजेटको देहाय खर्च शीर्षकमा विनियोजित बजेटमध्ये २०७६ चैत २० सम्म दायित्व सिर्जना भइसकेको र बोलपत्र आह्वान भइसकेको बाहेक बाँकी रहेको बजेट तत्काल लागू हुने गरी २०७६/१२/१९ को निर्णयानुसार रोक्का गरिएको हुँदा यो बमोजिम गर्ने व्यवस्थाका लागि सादर अनुरोध गर्दछु,' पत्रमा भनिएको छ ।

आर्थिक गतिविधि प्रभावित भएकाले राजस्व संकलनमा असर पुगेको र कोरोना रोकथाम तथा नियन्त्रणका लागि स्रोतको व्यवस्थापन समेत गर्नुपरेकाले विभिन्न शीर्षकका बजेट रोक्का गर्नुपरेको सरकारले जनाएको छ । लोकान्तरबाट

प्रकाशित मिति: शुक्रबार, चैत २१, २०७६ १६:१२

प्रतिक्रिया दिनुहोस्