मंसिर महिना नजिकिँदै गर्दा बाँकेका विभिन्न स्थानमा मेला सुरु हुँदै

मनोरञ्जन

गृहपृष्ठ
मनोरञ्जन
मंसिर महिना नजिकिँदै गर्दा बाँकेका विभिन्न स्थानमा मेला सुरु हुँदै

मंसिर महिना नजिकिँदै गर्दा बाँकेका विभिन्न स्थानमा मेला सुरु हुँदै

मंगलबार, कात्तिक २६, २०७६ बागेश्वरी पोस्ट

फाइल फोटो

नेपालगन्ज ।मंसिर महीना नजिकिँदै गर्दा बाँकेका विभिन्न ठाउँमा मेला महोत्सवहरु सञ्चालन हुन थालेका छन् । न्यानो घाममा चिसो भुलाउने उत्सव र महोत्सवहरु सुरु भएका छन् । ठूला चाडवाड सकिएसँगै सामाजिक, सांस्कृतिक र आर्थिक विषयसँग जोडिएका उत्सव महोत्सवको क्रम बढेको हो ।

यसैक्रममा बाँकेको बैजनाथ गाउँपालिका–५ को रामपुरमा कात्तिक पूर्णमामा लाग्ने पेडारी मेला सम्पन्न भएको छ । दुई दिनसम्म चलेको पेडारीमा मेलामा ऐतिहासिक तथा परम्परागत लोक नृत्य, सिङ्गारु नाच, लोकदोहोरी लगायतका लोक संस्कृतिको संरक्षणका लागि विभिन्न प्रस्तुतिहरु राखिएको थियो ।

परम्परागत कला संस्कृति संरक्षणका लागि आफुहरुले मेला महोत्सवमा नाँच नाँच्ने गरेको बैजनाथ गाउँपालिका ६ पार्वतीपुर टोलका उदय बहादुर भण्डारीले बताउनुभयो । नेपाली समाजमा आधुनिकता भित्रिएसँगै लोकसंस्कृति बोकेका परम्पराहरु संकटमा पर्न थालेका छन् । उदाउँदो युवापुस्ता लोक संस्कृतिप्रति जिम्मेवार नबन्दा हाम्रा मौलिक गाथा बोकेका संस्कृति लोप हुने अवस्थामा पुगेका हुन् ।

यतिमात्रै होइन, नेपाली समाजमा पाश्चात्य संगीतको प्रवेश भएसँगै स्थानीय स्रोत–साधनको प्रयोग गरेर निर्माण गरिएका बाजा पनि लोप हुने संघारमा पुगेका छन् ।

प्रकाशित मिति: मंगलबार, कात्तिक २६, २०७६ १७:४१