नेपालगन्ज उपमहानगरपालिका सडक मानवमुक्त घोषणा

विज्ञान-प्रबिधि

गृहपृष्ठ
विज्ञान-प्रबिधि
नेपालगन्ज उपमहानगरपालिका सडक मानवमुक्त घोषणा

नेपालगन्ज उपमहानगरपालिका सडक मानवमुक्त घोषणा

बिहीबार, कात्तिक २८, २०७६ बागेश्वरी पोस्ट

नेपालगन्ज। नेपालगन्ज उपमहानगरपालिकालाई आजबाट सडक मानवमुक्त घोषणा गरिएको छ । प्रदेश ५ का सामाजिक विकास मन्त्री सुदर्शन बराल र नेपालगन्ज उपमहानगरपालिका कार्यवाहक प्रमुख उमा थापा मगरले बिहिवार आयोजित औपचारिक कार्यक्रममा नेपालगन्जलाई देशकै पहिलो उपमहानगरपालिकाको रुपमा अभिभावकविहिन, सहयोगापेक्षी सडक मानवमुक्त भएको घोषणा गर्नुभयो ।

घोषणासभामा सामाजिक विकास मन्त्री बरालले कुनैपनि नागरिक अभिभावकविहिन भएर सडकमा बाँच्नुपर्ने अवस्था अन्त्यका लागि सरकार लागिपरेको भन्दै अभिभावकविहिनको अभिभावक सरकार भएको बताउनुभयो । कार्यबाहक प्रमुख समेत रहनुभएका नेपालगन्ज उपमहानगरपालिकाका उपप्रमुख उमा थापा मगरले २०७३ सालदेखि सहयोगापेक्षी, सडक मानवमुक्त उप–महानगरपालिका बनाउने उद्धेश्य अनुसार लागिपरेको बताउनुभयो ।

यसखालका ब्यक्तिको उद्धार, औषधोपचार, पालनपोषण, खाना,नाना, छानासँगै बालबालिकाको अध्ययन अध्यापन जस्ता क्रियाकलाप गरिरहेको उहाँको भनाई छ । कार्यक्रममा बाँकेका प्रमुख जिल्ला अधिकारी कुमार खड्का, नेपालगन्ज उपमहानगरपालिकाका प्रमुख महिला विकास अधिकृत शोभा शाह, नेपाली काँग्रेस बाँकेका सभापति किरण कोइराला, निल सागर सेवाश्रमका सरिता खनाल लगायतले शुभकामना ब्यक्त गर्नुभयो ।

कार्यक्रममा सहयोगी संस्था र ब्यक्तीहरुलाई सम्मान गरिएको थियो । घोषणा कार्यक्रमअघि नेपालगञ्जमा ¥याली प्रदर्शन भएको थियो ।

प्रकाशित मिति: बिहीबार, कात्तिक २८, २०७६ १५:४८