प्रधानमन्त्री कप महिला भलिबलको उपाधि राशी ५ लाख बनाइने

खेलकुद

गृहपृष्ठ
खेलकुद
प्रधानमन्त्री कप महिला भलिबलको उपाधि राशी ५ लाख बनाइने

प्रधानमन्त्री कप महिला भलिबलको उपाधि राशी ५ लाख बनाइने

छैठौं संस्करणको आयब्यय सार्वजनिक

सोमबार, पुस २०, २०७७ बागेश्वरी पोस्ट

नेपालगन्ज । छैठौं प्रधानमन्त्री कप महिला भलिबल प्रतियोगिताको आयब्यय सार्वजनिक गरिएको छ । गत वर्ष फागुनमा भएको प्रतियोगिताको आयब्यय आज नेपालगन्जमा पत्रकार सम्मेलन गरेर सार्वजनिक गरिएको हो । आयोजक भलिबल संघ बाँकेका अध्यक्ष टिएस ठकुरीले आयब्यय विवरण सार्वजनिक गर्नुभएको हो । उहाँका अनुसार २५ लाख ९४ हजार २ सय ५३ सहयोग जुटेकोमा २५ लाख ४६ हजार ८ सय ८९ खर्च भएको छ । ठकुरीले सातौं प्रतियोगिता पनि आगामी फागुनमा गर्ने गरी तयारीमा जुटेको बताउनुभयो । १०१ सदस्यीय मूल समिति बनाएर सातौं संस्करणलाई भब्य बनाइने ठकुरीको भनाई छ । पुरस्कर राशी पनि बढाउने उहाँले जानकारी दिनुभयो । प्रथम पुरस्कार ५ लाख राशीको बनाउने ठकुरीले बताउनुभयो । पत्रकार सम्मेलनमा छैठौं संस्करण मूल समिति संयोजक लुम्बिनी प्रदेशकी सांसद् कृष्णा केसी नमुनाले बाँकेको गौरवको रुपमा रहेको यो प्रतियोगितालाई भब्य र सभ्य बनाउने दायित्व सबैको भएको बताउनुभयो । यसका आगामी संस्करणलाई सबै बाँकेवासीले अपनत्व गर्ने गरी अगाडि बढाइने केसीले बताउनुभयो । खेल पर्यटनको विकासका लागि यस खाले प्रतियोगिता कोशेढुंगा सावित हुने केसीको भनाई छ । पत्रकार सम्मेलनमा नेपाल उद्योग बाणिज्य महासंघका निवर्तमान केन्द्रिय सदस्य कृष्ण प्रसाद श्रेष्ठ, वरिष्ठ व्यवसायी सन्जय थापा र मध्यपश्चिम खेलकुद विकास समितिका निवर्तमान अध्यक्ष भिम वलीले प्रधानमन्त्री कप महिला भलिबल प्रतियोगिता बाँकेको शान भएको बताउनुभयो ।

प्रकाशित मिति: सोमबार, पुस २०, २०७७ १८:२८

प्रतिक्रिया दिनुहोस्