नेपालगन्जमा जारी खुल्ला ब्याडमिन्टनको सेमीफाइनल समीकरण पूरा

खेलकुद

गृहपृष्ठ
खेलकुद
नेपालगन्जमा जारी खुल्ला ब्याडमिन्टनको सेमीफाइनल समीकरण पूरा

नेपालगन्जमा जारी खुल्ला ब्याडमिन्टनको सेमीफाइनल समीकरण पूरा

शनिबार, पुस २५, २०७७ बागेश्वरी पोस्ट

नेपालगन्ज । नेपालगन्ज खुल्ला ब्याडमिन्टन प्रतियोगीता शनिबार देखि नेपालगन्ज रंगशाला स्थित कभर्ड हलमा शुरु भएको छ । प्रतियोगीतामा चार वटा ईभेन्टका विभन्न खेल सकिंदा मेन्स डबल इभेन्ट्स तर्फको सेमिफाईनल समिकरण पुरा भएको छ ।

क्वाटर फाईनलमा अर्जुन बुढा मगर र रञ्जन भण्डारीको जोडीले राजेश साउद र सुमित चन्दको जोडीलाई २-०को सोझो सेटले पराजित गर्दै सेमि फाईनल यात्रा तय गरेका छन् । त्यसैगरी प्रकाश के सी र सुबाश सुबेदिको जोडीले राम कुमार शाह ररञ्जन खड्काको जोडीलाई २-१ सेटमा पराजित गर्दै सेमि फाइनल पुगेका छन् ।

साथै कृष्ण सलामी र शिव सुनारको जोडीले ओम चालिसे र टेक बहादुर रोकायको जोडीलाई २-१को सेटले पराजित गर्दै सेमि फाईनल पुगेकाछन भने देव बहादुर बोहोरा र प्रकाश के सीको जोडीले सचिन चौधरी र विकाश चौधरीको जोडीलाई २-१सेटले पराजित गरदै सेमी फाईनल पुगे । प्रतियोगिताका पुरुष एकल,महिला एकल,पुरुष एकल लिगका खेलहरु जारी रहेका छन् । प्रतियोगीताका सेमी फाईनल र फाईनल खेल आईतबार हुने प्रतियोगीताका संयोजक जयन्त कुमार श्रेष्ठले जानकारी दिनुभएको छ ।

प्रतियोगीतामा पुरुष युगल तर्फ ४० वटा टिम,पुरुष एकल तर्फ २४ जना र महिला एकल तर्फ १३ जनाले प्रतिष्पर्धा गरेका छन् । पुरुष डबल्समा प्रथम हुने जोडीलाई नगद र.१० हजार,दोश्रो हुनेलाई ६ हजार र तेस्रो स्थान हासिल गर्ने जोडीलाई ३ हजार सहित कप,पदक र प्रमाणपत्र प्रदान गरिने सह आयोजक नेपाल लोकतान्त्रिक खेलकुद संघका केन्द्रिय सदस्य नरेन्द्र थापाले जानकारी दिनुभएको छ ।

नेपालगन्ज उ.म.न.पा. वडा नं. १३ को आयोजनामा नेपाल लोकतान्त्रिक खेलकुद संघ,मध्यपश्चिम खेलकुद विकास समिति लुम्विनि प्रदेश नेपालगन्जको सह आयोजनामा प्रतियोगिता भएको हो । समापन कार्यक्रममा प्रदेश सभा सदस्य सुरेन्द्र बहादुर हमाल,उपमहानगर प्रमुख मेयर डा.धवल शम्सेर राणा लगाएतको सहभागिता रहने आयोजकले जनाएको छ ।

प्रकाशित मिति: शनिबार, पुस २५, २०७७ १६:०९

प्रतिक्रिया दिनुहोस्