श्याम थापा स्मृति फुटबल: उपाधिका लागि जयकिसान र मसुरिया भिड्ने

खेलकुद

गृहपृष्ठ
खेलकुद
श्याम थापा स्मृति फुटबल: उपाधिका लागि जयकिसान र मसुरिया भिड्ने

श्याम थापा स्मृति फुटबल: उपाधिका लागि जयकिसान र मसुरिया भिड्ने

बुधबार, माघ ७, २०७७ बागेश्वरी पोस्ट

नेपालगन्ज । आयोजक जयकिसान स्पोर्ट्स क्लब ‘ए’ ले एफएफएसए दाङलाई हराउँदै फाइनलमा प्रवेश गरेको छ । जयकिसानको आयोजनामा बाँकेको सैनिकमा संचालन भइरहेको स्वार्गीय श्याम थापा प्रथम स्मृति फुटबल प्रतियोगिताको दोस्रो सेमिफाइनलमा जयकिसानले दाङलाई हराउँदै उपाधिको नजिक पुगेको हो । जयकिसानले दाङलाई १–० ले हरायो । जयकिसानका विनोद केसीले १२ मिनेटमा गरेको गोल नै निर्णायक गोल बन्यो । अब उपाधिका लागि जयकिसान र मसुरिया एकेडेमी कैलालीबीच प्रतिस्पर्धा हुनेछ । मंगलबार भएको पहिलो सेमिफाइनलमा कैलालीले सहारा एफसी लखनउलाई हराउँदै फाइनलको यात्रा तय गरेको थियो । प्रतियोगिताको फाइनल खेल शुक्रबार हुनेछ । खेलको विजेताले एक लाख पाँच हजार रुपैयाँ र उपविजेताले ५५ हजार रुपैयाँ पाउने आयोजकले जनाएको छ । खजुरा गाउँपालिका–१, मैटहवा माविको फुटबल मैदानमा भइरहेको प्रतियोगिता बाँकेको जिल्लाको सर्वाधिक पुरस्कार राशीको प्रतियोगिताको रुपमा रहेको आयोजकले जनाएको छ । प्रतियोगितालाई बाँके बर्दिया मैत्री समाज जापानले मुख्य प्रायोजन गरेको छ ।

प्रकाशित मिति: बुधबार, माघ ७, २०७७ १८:४६