निर्बाचन आयोगले सरकारसँग माग्यो ७ अर्ब रुपैयाँ

अर्थ

गृहपृष्ठ
अर्थ
निर्बाचन आयोगले सरकारसँग माग्यो ७ अर्ब रुपैयाँ

निर्बाचन आयोगले सरकारसँग माग्यो ७ अर्ब रुपैयाँ

बुधबार, माघ २१, २०७७ बागेश्वरी पोस्ट

निर्वाचन आयोग नेपाल

नेपालगन्ज । सरकारसँग निर्वाचन सम्पन्न गर्न निर्बाचन आयोगले ७ अर्ब रुपैयाँ माग गरेको छ । आयोगले दुई चरणमा हुने प्रतिनिधि सभा निर्वाचनका लागि ७ अर्ब ७ करोड ९४ लाख ८० हजार रुपैयाँ अर्थ मन्त्रालयसँग माग गर्दै पत्राचार गरेको हो ।

‘सकेसम्म कम खर्चमा निर्वाचन सम्पन्न गर्ने गरी आयोगले खर्च माग गरेको छ, हामी यो निर्वाचनमा मतपेटिका देखि धेरै सामग्री पहिलेकै निर्वाचनको प्रयोग गर्छौँ, सवारी साधन पनि मर्मत गरेरै चलाउँदै छौँ र निर्वाचनलाई मितव्ययी ढङ्गबाट सम्पन्न गर्छौँ,’ आयोगका प्रमुख आयुक्त दिनेश थपलियाले भने ।

उनले कोभिड १९ को महामारीका कारण आयोगले गर्ने निर्बाचन तालिम लगायतका गतिविधि पनि अनलाइन प्रणालीमार्फत नै गर्ने जानकारी दिए । आयोगले कोभिड १९ को सुरक्षा सतर्कताका लागि आवश्यक पर्ने न्यूनतम सुरक्षा व्यवस्थाका लागि ३७ करोड ४१ लाख ७४ हजार रुपैयाँ प्रस्ताव गरेको छ । यसअघि २०७४ मा सम्पन्न प्रतिनिधि सभा निर्वाचनमा मात्रै ७ अर्ब ४७ करोड रुपैयाँ खर्च भएको थियो ।

प्रकाशित मिति: बुधबार, माघ २१, २०७७ १९:००

प्रतिक्रिया दिनुहोस्