धारा नेपालगञ्ज म्याराथनको पाँचौं संस्करणको सम्पूर्ण तयारी पूरा

खेलकुद

गृहपृष्ठ
खेलकुद
धारा नेपालगञ्ज म्याराथनको पाँचौं संस्करणको सम्पूर्ण तयारी पूरा

धारा नेपालगञ्ज म्याराथनको पाँचौं संस्करणको सम्पूर्ण तयारी पूरा

बिहीबार, मंसिर ५, २०७६ बागेश्वरी पोस्ट

नेपालगञ्ज । शनिवार हुने धारा नेपालगञ्ज म्याराथनको पाँचौं संस्करणको सम्पूर्ण तयारी पूरा भएको छ । क्रिएटिभ ह्याण्ड्सको आयोजना तथा नेपालगञ्ज उपमहानगरपालिकाको सहआयोजनामा हुने धारा नेपालगञ्ज म्याराथनमा करिब २७ सय जनाले सहभागिता जनाउनेछन् ।

नेपालगञ्जमा आज गरिएको पत्रकार भेटघाट कार्यक्रममा आयोजक क्रियटिभ ह्याण्ड्सका अध्यक्ष टिएस ठकुरीले यो संस्करणमा पुरुष खुल्लातर्फ म्याराथन, महिलाको हाफ म्याराथन, १० किलोमिटर खुल्ला पुरुष, ५ किलोमिटर खुल्ला महिला, ५ किलोमिटर स्कुल स्तरीय छात्र तथा ३ किलोमिटर छात्रा दौड समावेश गरिएको जानकारी दिनुभयो । त्यसैगरी ८ देखि १२ बर्ष उमेर समूहको पनि दौड राखिएको छ भने शारीरिक रुपले अशक्तहरुको लागि पनि दौड स्पर्धा समेटिएको ठकुरीले बताउनुभयो । यस बर्षदेखि २ किलोमिटरको कर्पोरेट रन पनि समेटिएको छ ।

यसमा जनप्रतिनिधि, चिकित्सक, इन्जिनियर, प्राध्यापक, वकिल, शिक्षक, पत्रकार तथा विभिन्न पेशाका व्यक्ति र व्यवसायीहरुले सहभागिता जनाउनेछन् । म्याराथनमा प्रथमले ६५ हजार, द्वितियले ३५ हजार, तृतीयले २५ हजार, चौथोले १५ हजार, पाँचौंले १० हजार, छैटौंले ८ हजार, सातौंले ६ हजार र आठौंले ५ हजार नगद पुरस्कार पाउनेछन् । त्यसैगरी हाफ म्याराथनमा शीर्ष ६ जनालाई क्रमशः ३५ हजार, २० हजार, १० हजार, ८ हजार, ६ हजार र ५ हजार नगदले पुरस्कृत गरिने आयोजक क्रियटिभ ह्याण्ड्सले जनाएको छ ।

खुल्ला पुरुष १० किलोमिटर र महिला ५ किलोमिटरतर्फ क्रमशः १० हजार, ७ हजार, ५ हजार र ३ हजारले पुरस्कृत गरिनेछ । त्यस्तै स्कुल स्तरीय छात्र एवम् छात्रा तथा ट्राइसाइकल तर्फका शीर्ष तीन जनालाई ५ हजार, ३ हजार र २ हजार पुरस्कार दिइनेछ । शनिवार विहान साढे ६ बजे नेपालगञ्जको विपी चोकदेखि शुरु भई कोहलपुर चौराहदेखि उत्तरतर्फ पुगी सोही रुट हुँदै पुनः विपी चोकमा पूरा हुने म्याराथनमा राष्ट्रिय स्तरका धावकहरु सहभागी हुने आयोजकले जनाएको छ ।

यस पटकको म्याराथनको मुख्य प्रायोजकका रुपमा धारा तोरीको तेल रहेको छ । विस्तृत शान्ति सम्झौता भएको दिन मंसिर ५ लाई स्मरण गर्दै हरेक बर्ष यो म्याराथन आयोजना हुँदै आएको छ ।

प्रकाशित मिति: बिहीबार, मंसिर ५, २०७६ १७:०९

प्रतिक्रिया दिनुहोस्