कार्बन सञ्चिति बढाए वापत नेपालले ४५ मिलियन अमेरिकी डलर रकम पाउने

अर्थ

गृहपृष्ठ
अर्थ
कार्बन सञ्चिति बढाए वापत नेपालले ४५ मिलियन अमेरिकी डलर रकम पाउने

कार्बन सञ्चिति बढाए वापत नेपालले ४५ मिलियन अमेरिकी डलर रकम पाउने

शुक्रबार, फागुन १४, २०७७ बागेश्वरी पोस्ट

नेपालगन्ज । नेपालले वन संरक्षणमार्फत उत्सर्जन घटाई कार्बन सञ्चिति बढाएबापत करीब रु पाँच अर्ब (४५ मिलियन अमेरिकी डलर) रकम पाउने भएको छ । वन तथा वातावरण मन्त्रालयका सचिव डा।विश्वनाथ ओली र विश्व बैंकका देशीय निर्देशक फरिस अदाद–जेर्भोसबीच बुधबार भएको उत्सर्जन कटौती खरीद सम्झौताअनुसार नेपालले सो रकम प्राप्त गर्नेछ ।

सो सम्झौताअनुसार नेपालले पश्चिम तराईका जिल्लाका वनबाट ९० लाख टन कार्बनडाइअक्साइड उत्सर्जन घटाउने छ । यसरी वन संरक्षणमार्फत उत्सर्जन घटाई कार्बन सञ्चिति बढाएबापत नेपालले सो रकम पाउन लागेको मन्त्रालयले जनाएको छ ।

साथै समुदायमा आधारित वन व्यवस्थापन सुधार, राष्ट्रिय वनका लागि उपभोक्ता अधिकार स्थानीय समुदायमा हस्तान्तरण, एकीकृत भूमि उपयोग योजना सुधार, ऊर्जाको वैकल्पिक स्रोतको प्रवद्र्धन र संरक्षित क्षेत्र व्यवस्थापनको क्षमता अभिवृद्धि गरिनेछ । बैंकसँग यस्तो सम्झौता गर्ने नेपाल एशिया–प्रशान्तमा पाँचौँ र विश्वव्यापीरूपमा १२औं देश हुन पुगेको छ ।

प्रकाशित मिति: शुक्रबार, फागुन १४, २०७७ १८:१६

प्रतिक्रिया दिनुहोस्