नेपालगन्ज क्याम्पस र होलिल्याड उच्च मावि नेपालगन्ज बिजयी

खेलकुद

गृहपृष्ठ
खेलकुद
नेपालगन्ज क्याम्पस र होलिल्याड उच्च मावि नेपालगन्ज बिजयी

नेपालगन्ज क्याम्पस र होलिल्याड उच्च मावि नेपालगन्ज बिजयी

आइतबार, मंसिर ८, २०७६ सुनिल रेग्मी

कोहलपुर । स्व. लोक बहादुर थापा मगर स्मृति रनिङ शिल्ड क्रिकेट प्रतियोगितमा नेपालगन्ज क्याम्पस र होलिल्याड उच्च मा बि नेपालगन्ज विजयी भएको छ ।

नेपालगन्ज क्याम्पसले कोहलपुर क्रिकेट एकेडेमी बि टिम लाई ८ विकेटले पराजित गरेको हो । खेलमा टस जितेर पहिला व्याटिङ गरेको कोहलपुर एकेडेमीले १६ ओभरमा अल आउट हुँदै ६५ रन बनाएको थियो। उसका लागि अरमान मल्लिकले १४ रन बनाउनु बाहेक अन्यले दोहोर अंक समेत छुन सकेनन् । नेपालगन्ज क्याम्पसका बलर अफजल खांन र सुनिल भन्डारीले २–२ विकेट लिए । जबाफी व्याटिगमा आएको नेपालगन्ज कलेजलेले ७.५ ओभरमा २ बिकेट गुमाउँदै विजयी लक्ष भेटायो उसका लागि सुनिल भडारीले २९ रन जोडे । कोहलपुरका बलर युबराज शर्माले १ विकेट लिए । खेलमा नेपालगन्ज क्याम्पसका सुनिल भन्डारी म्यान अफ द म्याच घोषित भए ।

त्यस्तै दोस्रो खेलमा होलिल्याडले कोहलपुर क्रिकेट एकेडेमी ए टिम लाई २४ रनले पराजित गरेको हो । खेलमा पहिला व्याटिग गरेको होलिल्याडले २० ओभरमा ४ बिकेट गुमाउँदै १ सय २९ रन बनाएको थियोे । उसका लागि अनुपम सिंहले ६७,प्रनित थापाले १९ र शम्शुदिन अन्सारीले १३ रन जोडे । कोहलपुरका बलर रोशन शाहले १ विकेट लिए। कोहलपुर क्रिकेट एकेडेमी ए टिमले २० ओभरमा ६ विकेट गुमाएर १ सय ५ रन मात्र बानाउन सक्यो । होलिल्याडका बलर सुनिल सुनारले २ नासिर अन्सारी ले १ विकेट लिए ।

प्रतियोगिता १२ गते सम्म कोहलपुर क्रिकेट मैदानमा संचालन हुने प्रतियोगिता लिग कम नकआउटका आधारमा खेल हुने प्रतियोगिताको संयोजक सरोवर प्रसाईले जानकारी दिनुभयो । प्रतियोगिता बाँके जिल्ला क्रिकेट संघ अध्यक्ष एवम प्रदेश नम्बर ५ अध्यक्ष दुर्गा थापाले आफ्ना स्व. बुबाको स्मृतिमा प्रायोजन गरेका हुन । प्रतियोगितामा होलिल्यान्ड उच्च मावि, नेपालगन्ज क्याम्पस ,नेपाल टाइगर, जेगवार स्पोर्टस क्लब, कोहलपुर क्रिकेट एकेडेमी ‘ए’ र ‘बी’ले प्रतिस्पर्धा गर्नेछन ।

प्रतियोगिताको विजेता टोलीले नगद १ लाख १ सय, उपविजेताले ५१ हजार, म्यान अफ द सिरिजले ११ हजार, उत्कृष्ट ब्याटसम्यान र वलरले समान ५ हजार १ सय र प्रत्येक खेलको म्यान अफ द म्याचले १५ सय रुपैया पाउने आयोजक बाँके जिल्ला क्रिकेट संघका अध्यक्ष दुर्गा थापाले बताउनु भयो ।

प्रकाशित मिति: आइतबार, मंसिर ८, २०७६ १८:५७

प्रतिक्रिया दिनुहोस्