ओलम्पिक टर्च नेपालगन्ज आइपुग्यो

खेलकुद

गृहपृष्ठ
खेलकुद
ओलम्पिक टर्च नेपालगन्ज आइपुग्यो

ओलम्पिक टर्च नेपालगन्ज आइपुग्यो

मंगलबार, मंसिर १०, २०७६ बागेश्वरी पोस्ट

नेपालगन्ज । दक्षिण एशियाली खेलकुद (साग)का लागि ओलम्पिक टर्च बोकेको टोली नेपालगन्ज आइपुगेको छ ।

मंसीर ६ गते स्वयम्भुबाट निस्केर प्रदेश १ हुँदै नेपालगञ्ज आइपुगेको टर्च र्यालीका सहभागीलाई नेपालगञ्ज रंगशालामा खेल पदाधिकारीहरुले स्वागत गरेका छन् ।१३ औँ साग खेलका लागि उक्त ओलम्पिक टर्च नेपालगन्ज ल्याइएको हो।

भेट्रान खेलाडीहरु टर्च र्यालीको देश दौडाहामा रहेका छन् । ओलम्पिक टर्च र्यालीले नेपालगन्ज रंगशाला परिक्रमा गरेको थियो । टर्च र्यालीमा जीतबहादुर केसी, कान्छीमाया कोजु, ज्ञानबहादुर बोहरा, मुकुन्द श्रेष्ठ, टीकाराम श्रेष्ठ र राजकुमारी पाण्डे रहेका छन् ।

नेपालका लागि अन्तर्रा्ष्ट्रिय पदक जित्ने पहिलो खेलाडी केसीले नेपालमा साग हुँदैछ भन्ने देशव्यापी प्रचारका लागि टर्च लिएर निस्केको बताए । धावक कोजुले देशभर नै सागको प्रचार होस् र नेपालले धेरै पटक जितोस् भन्ने कामनासहित र्याली निकालिएको बताइन् ।

टर्च र्याली विराटनगर, जनकपुर, चितवन, लुम्बिनी, बुटवल, सुर्खेत हुँदै नेपालगन्ज आइपुगेको छ । अब धनगढी गएर पोखरा हुँदै काठमाण्डौ फर्किने केसीले जानकारी दिए । मंसिर १५ देखि २४ गतेसम्म नेपालमा १३ औं साग हुँदैछ ।

प्रकाशित मिति: मंगलबार, मंसिर १०, २०७६ १७:०२

प्रतिक्रिया दिनुहोस्