उपनिर्वाचनको लागि कोहलपुरको सुरक्षा ब्यबस्था कडा

उपनिर्वाचन -२०७६

गृहपृष्ठ
उपनिर्वाचन -२०७६
उपनिर्वाचनको लागि कोहलपुरको सुरक्षा ब्यबस्था कडा

उपनिर्वाचनको लागि कोहलपुरको सुरक्षा ब्यबस्था कडा

नेपाली सेना, नेपाल प्रहरी, सशस्त्र प्रहरी बल र अनुसन्धान बिभाग परिचालन

बिहीबार, मंसिर १२, २०७६ बागेश्वरी पोस्ट

नेपालगन्ज । आउँदो शनिबार बाँकेको कोहलपुर वडा नम्बर ६ मा हुने उपनिर्वाचनको लागि सुरक्षा ब्यबस्था कडा पारिएको छ। आजदेखि उपनिर्बाचन हुने स्थानमा नेपाली सेना, नेपाल प्रहरी, सशस्त्र प्रहरी बल र अनुसन्धान बिभाग परिचालन गरिएको बाँकेका प्रमुख जिल्ला अधिकारी कुमार बहादुर खड्काले बताए। सुरक्षा अवस्था मजबुत बनाउन सबै सुरक्षा निकाय तमतयार रहेको र यहि बारेमा समेत बैठक बसिरहेको प्रजिअ खड्काले बताए।

उपनिर्वाचनमा कहि कतैबाट हुलदङ्गा नहोस् भनेर सुरक्षा स्थितीलाई मजबुत बनाएको जिल्ला प्रहरी कार्यालय बाँकेका प्रबक्ता डिएसपी शिव सिंहले बताए। निर्वाचन शान्तमय होस् भनेर वडा नम्बर ६ मा केही दिन अगाडी देखि सादा पोशाकमा प्रहरीले समेत निगरानी बढाइरहेको प्रबक्ता सिंह बताए। निर्वाचन एकदमै सौहार्दपुर्ण बाताबरणमा होस भनेर सशस्त्र प्रहरीको डिएसपीको नेतृत्वमा ७० जना सशस्त्र प्रहरीहरु खटाइसकेको सशस्त्र प्रहरी बल, ३० नम्बर गण बागेश्वरी बाँकेका गणपति सशस्त्र प्रहरी उपरीक्षक दिपक अधिकारीले बताए। जनताले निर्धक्क भएर मतदान गर्ने उहाँहरुको अधिकारको लागि सुरक्षामा कुनै सम्झौता नहुने सशस्त्र प्रहरी उपरीक्षक अधिकारीले भने।

त्यस्तै निर्वाचन स्थानमा नेपाल प्रहरीको ३५ जनाको टोली परिचालन गरिसकेको बाँके प्रहरी प्रबक्ता सिंहले बताए। निर्वाचन स्थानमा ब्यापक रुपमा प्रहरी गस्ती बढाइएको छ, जिल्ला प्रहरी प्रमुख वीरबहादुर वली,सशस्त्र प्रहरी प्रमुख दिपक अधिकारी, म आफै, कोहलपुरका डिएसपी हेमबहादुर शाही स्वयम दिनरात निरीक्षणमा गइरहेको प्रबता सिंहले बताए।

यस्तै आजदेखि नेपाली सेनाको एक सेक्सन टोलीसमेत निर्बाचन स्थलमा परिचालन भएको भैरब प्रसाद गण बाँकेका गणपती प्रमुख सेनानी नकुल थापाले बताए। प्रमुख सेनानी थापाका अनुसार सेनाले चुनाब स्थलको बाहिरी भागबाट सुरक्षा प्रदान गर्नेछ।साथै सेनाले उपनिर्बाचन हुने स्थलका सबै भागमा पेट्रोलिङ गरेर मतदान स्थललाई शान्तिपूर्ण बनाउने कार्य गर्ने प्र.से. थापाले बताए।

सबैभन्दा ठुलो कुरा जनताले शान्तिपुर्ण तवरले मतदान गर्न पाउनु पर्छ,त्यसैकारण उहाँहरुलाई भयरहित बाताबरण बनाउन प्रहरीले उहाँहरुको सुरक्षाको ग्यारेन्टी लिन्छ," डिएसपी सिंहले भने। यति मात्रै होईन, जिल्ला प्रहरी कार्यालयले उपनिर्बाचनका लागि रिजर्भ फोर्स समेत राखीसकेको प्रबक्ता सिंहले बताए।

सशस्त्र प्रहरी उपरीक्षक अधिकारी र प्रबता सिंहका अनुसार सबै सुरक्षा अङ्गले मतदान स्थल सुरक्षा र चौतर्फी गस्ती बढाएका छन् ।

प्रकाशित मिति: बिहीबार, मंसिर १२, २०७६ १२:३०