हात्तीको आक्रमणबाट एकजनाको मृत्यु

समाचार

गृहपृष्ठ
समाचार
हात्तीको आक्रमणबाट एकजनाको मृत्यु

हात्तीको आक्रमणबाट एकजनाको मृत्यु

शनिबार, चैत २१, २०७७ रासस

कैलाली । कैलालीको जानकी गाउँपालिका-६ मा हात्तीको आक्रमणबाट एकजनाको ज्यान गएको छ।

शुक्रबार जगतपुर सामुदायिक वनको रानी टप्पामा निउरो टिप्न गएका ६० वर्षीय मन्सराम डगौराको हात्तीको आक्रमणबाट मृत्यु भएको इलाका प्रहरी कायालय टीकापुरले जानकारी दिएको छ।

प्रहरी निरीक्षक अरुण बमले तरकारीका लागि निउरोको साग टिप्न गएका चौधरीको हात्तीको आक्रमणबाट मृत्यु भएको जानकारी दिए।

चौधरीको शव परीक्षणका लागि टीकापुर अस्पतालमा राखिएको छ।

पछिल्लो समय वन जंगलभित्र र आसपासका क्षेत्रमा जंगली जनावरले मानिसलाई आक्रमण गर्ने क्रम बढेको छ।

लायकपुर सामुदायिक वन समितिका अध्यक्ष हरिहर गिरी वन जंगल विनाश हुँदा वन्यजन्तुको आहाराको अभावले जंगली जनावर जंगल बाहिर निस्कने, जंगलमै पनि आक्रमण गर्नेजस्ता घटना बढेको बताउँछन्।

प्रकाशित मिति: शनिबार, चैत २१, २०७७ ०८:२६

प्रतिक्रिया दिनुहोस्