कोहलपुर ६ मा शान्तिपूर्ण मतदान हुँदै, अहिले सम्म ९८५ मत खस्यो

उपनिर्वाचन -२०७६

गृहपृष्ठ
उपनिर्वाचन -२०७६
कोहलपुर ६ मा शान्तिपूर्ण मतदान हुँदै, अहिले सम्म ९८५ मत खस्यो

कोहलपुर ६ मा शान्तिपूर्ण मतदान हुँदै, अहिले सम्म ९८५ मत खस्यो

शनिबार, मंसिर १४, २०७६ बागेश्वरी पोस्ट

कोहलपुर । बाँकेको कोहलपुर नगरपालिका वडा नम्बर ६ को उपनिर्वाचनको मतदान शान्तिपूर्ण रूपमा भइरहेको छ । वडा नम्बर ६ का मुख्य निर्वाचन अधिकृत बाँके जिल्ला अदालतका माननीय न्यायाधीश षडानन्द तिवारी समेत आफै मतदान स्थल लगायत वडाको निरीक्षणमा लागीपर्नु भएको छ।

बाँके प्रहरी प्रमुख एसपी वीर बहादुर वलीका अनुसार मतदानका लागि ठुलो संख्यामा सुरक्षाकर्मीहरु तैनाथ गरिएको छ। उक्त वडाको निर्बाचन सुरक्षाका लागि नेपाल प्रहरीका २०० जना मतदान स्थल लगायत वडा भित्र गस्ती एबम सुरक्षा प्रदान गरिरहेका छन् भने अन्य १०० जनाको संख्याले राजमार्ग सुरक्षा गरिरएको एसपी वलीले बताउनुभयो।

सशस्त्र प्रहरी बलका बाँके प्रमुख एसपी दिपक अधिकारी लगायतको १२० जना भन्दा माथीको संख्या मतदान स्थलको सुरक्षा दिइरहेको छ। त्यस्तै नेपाली सेनाको ३० जनाको संख्यामा रहेको एक टुकडि मतदान स्थल बाहिर बसेको छ भने अन्य सेनाका जवानले वडाभित्र गस्ती गरिएको एसपी वलीले बताउनुभयो।

त्यस्तै अहिले सम्मको जानकारी अनुसार ९८५ मत खसेको मतदान स्थलमा रहनुभएका ईलाका प्रहरी कार्यालयका प्रहरी निरीक्षक हस्त बहादुर सुनारले बताउनुभयो।

प्रकाशित मिति: शनिबार, मंसिर १४, २०७६ १३:०१