बंगलादेशीलाई घर फर्काउन हिमालयन एयरलाइन्सको चार्टड उडान

अर्थ

गृहपृष्ठ
अर्थ
बंगलादेशीलाई घर फर्काउन हिमालयन एयरलाइन्सको चार्टड उडान

बंगलादेशीलाई घर फर्काउन हिमालयन एयरलाइन्सको चार्टड उडान

सोमबार, वैशाख २७, २०७८ बागेश्वरी पोस्ट

नेपालगन्ज । नेपालमा रहेका बंगलादेशी नागरिकलाई घर फर्काउन हिमालयन एयरलाइन्सले ढाकामा चार्टड उडान भर्ने भएको छ । काठमाडौंमा रहेको बंगलादेशी दूतावासले आफ्नो देश फर्कन इच्छुक नागरिकलाई घर फर्काउने निर्णय गरेको हो ।

घर फर्कन चाहने बंगलादेशी नागरिकलाई हिमालयन एयरलाइन्सको टिकट काट्न आह्वान समेत दूतावासले गरेको छ । एयरलाइन्सको विमान यही साताको मंगलबार ढाका उड्ने बताइएको छ ।

घर फर्कन चाहने नागरिकले अनिवार्यरुपमा पीसीआर परिक्षण गर्नुपर्ने समेत दूतावासले जानकारी गराएको छ । पछिल्लो समय नेपालमा कोरोना संक्रमितको संख्या दिनदिनै उकालो लाग्दै छ ।

बंगलादेशले आजदेखि लागु हुने गरी नेपाली यात्रुमाथि प्रतिबन्ध लगाइसकेको छ । यद्यपी, आफ्ना नागरिक भने मंगलबारको चार्टड उडानमार्फत फर्काउन लागेको हो ।

अहिले नेपालका सबै अन्तर्राष्ट्रिय उडान रोकिएका छन् । भारतमा सातामा दुई दिन बाहेक अन्य उडान रोकिएपनि एयरलाइन्सले चार्टड उडान भर्न पाउने व्यवस्था छ ।

प्रकाशित मिति: सोमबार, वैशाख २७, २०७८ ०७:३६

प्रतिक्रिया दिनुहोस्