एसईई र कक्षा १२ को परीक्षा स्थगित

शिक्षा

गृहपृष्ठ
शिक्षा
एसईई र कक्षा १२ को परीक्षा स्थगित

एसईई र कक्षा १२ को परीक्षा स्थगित

सोमबार, वैशाख २७, २०७८ बागेश्वरी पोस्ट

नेपालगन्ज । माध्यमिक शिक्षा परीक्षा (एसईई) र कक्षा १२ को परीक्षा स्थगित भएको छ ।

राष्ट्रिय परीक्षा बोर्डले कोरोना भाइरसको संक्रमण बढिरहेको अवस्थामा परीक्षा गर्न नसकिने भन्दै अनिश्चितकाल सम्मका लागि स्थगित गरेको हो ।

सोमबार बिहान बसेको बोर्डको बैठकले कोरोना संक्रमण तिव्र रुपमा बढिरहेको अवस्थामा परीक्षा गर्न नसकिने निष्कर्ष निकाल्दै स्थगित गरेको अध्यक्ष डा. चन्द्रमणि पौडेलले जानकारी दिए ।

एसईई जेठ १३ गतेदेखि र कक्षा १२ को परीक्षा जेठ २६ बाट सुरु गर्ने कार्यतालिका सार्वजनिक भएको थियो ।

अध्यक्ष पौडेलका अनुसार गत वर्षजस्तो आन्तरिक मूल्यांकनबाट एसईईको परीक्षा गर्ने तयारी भने छैन।

'कोरोना कम भएपछि परीक्षा नै गर्ने हो गत वर्षको जस्तो आन्तरिक मूल्यांकनबाट यसपटक परीक्षा हुँदैन,’ उनले भने।

प्रकाशित मिति: सोमबार, वैशाख २७, २०७८ १०:४२