मन्त्रिपरिषद्वारा बजेट पारित

अर्थ

गृहपृष्ठ
अर्थ
मन्त्रिपरिषद्वारा बजेट पारित

मन्त्रिपरिषद्वारा बजेट पारित

शनिबार, जेठ १५, २०७८ बागेश्वरी पोस्ट

नेपालगन्ज । सरकारले आर्थिक वर्ष २०७८/७९ का लागी १६ खर्ब रुपैयाँको बजेट ल्याउने भएको छ। आज बसेको मन्त्रिपरिषको बैठकले बजेट पारित गरेको हो ।

बजेट पारित भएसंगै आयव्ययको विवरण राष्ट्रपति कार्यालय पठाइएको कानुनमन्त्री लिलानाथ श्रेष्ठले जानकारी दिए ।

सरकारले शनिबार नै अध्यादेशमार्फत् बजेट सार्वजनिक गर्दैछ। राष्ट्रपतिबाट अध्यादेश जारी भएपछि अर्थमन्त्री विष्णु प्रसाद पौडेलले बजेट सार्वजनिक गर्ने छन् । बजेट प्रधानमन्त्री कार्यालयबाट अपराह्न चार बजे सार्वजनिक हुनेछ ।

प्रतिनिधिसभा विघटनपछि अध्यादेशमार्फत् सरकारले बजेट सार्वजनिक गर्न लागेको हो । जेठ १५ मै बजेट ल्याउनुपर्ने संवैधानिक व्यवस्थाअनुसार अध्यादेशबाट बजेट ल्याउन लागिएको छ ।

बजेट सार्वजनिक गर्ने कार्यक्रममा प्रधानमन्त्री, मन्त्रिपरिषदका सदस्य, राष्ट्रिय योजना आयोगका उपाध्यक्ष, गभर्नरलगायत सहभागी हुनेछन् ।

प्रकाशित मिति: शनिबार, जेठ १५, २०७८ १३:४२