९७ अर्बको विदेशी लगानी भित्र्याउन लगानी बोर्डको स्वीकृति

अर्थ

गृहपृष्ठ
अर्थ
९७ अर्बको विदेशी लगानी भित्र्याउन लगानी बोर्डको स्वीकृति

९७ अर्बको विदेशी लगानी भित्र्याउन लगानी बोर्डको स्वीकृति

मंगलबार, असार ८, २०७८ बागेश्वरी पोस्ट

नेपालगन्ज । लगानी बोर्डले दुई वटा जलविद्युत परियोजनाका लागि ९७ अर्ब रुपैयाँ बराबरको विदेशी लगानी स्वीकृत गरेको छ । मंगबालर प्रधानमन्त्री एवं लगानी बोर्डका अध्यक्ष केपी शर्मा ओलीको अध्यक्षतामा बसेको बोर्डको ४७ औं बैठक यस्तो निर्णय गरेको हो ।

बोर्डका कार्यकारी निर्देशक सुशील भट्टका अनुसार ५४ करोड अमेरिकी डलर लागत अनुमान रहेको माथिल्लो तमोर जलविद्युत परियोजना ९२८५ मेगावाट० र ३३ अर्ब ४१ करोड ४० लाख लागत अनुमानित रहेको तल्लो मनाङ्ग मस्र्याङ्गदी जलविद्युत परियोजना ९१३९।२ मेगावाट० का लागि लगानी स्वीकृत गरिएको छ ।

यसैगरी झापाको दमकमा निर्माण हुने सार्वजनिक निजी साझेदारी अवधारणामा अघि बढाइएको मुलुककै सबैभन्दा ठूलो नेपाल–चीन मैत्री औद्योगिक पार्कको विस्तृत परियोजना प्रतिवेदन पनि स्वीकृत गरेको छ । परियोजानको विकासकर्तासँग परियोजना विकास सम्झौताको लागि आवश्यक तयारी गर्न बैठकले लगानी बोर्डको कार्यालयलाई निर्देशन पनि दिएको छ ।

यस्तै संखुवासभामा निर्माण हुने तल्लो अरुण जलविद्युत परियोजना ९६७९ मेगावाटको विस्तृत सम्भाव्यता अध्ययनका लागि सर्वेक्षण अनुमति पत्र जारी गर्न परियोजना विकासकर्तासँग गरिने समझदारी पत्रको मस्यौदा पनि बैठकले स्वीकृत गरेको छ ।

तमोर जलाशययूक्त जलविद्युत परियोजना ९७५६ मेगावाट० को सर्वेक्षण अनुमति प्रदान गर्न देखिएको अस्पष्टता सम्बोधन गरी आवश्यक कानूनी सुधार गर्न ऊर्जा, जलश्रोत तथा सिंचाई मन्त्रालयलाई निर्देशन दिएको बैठकले बैठकले पश्चिम सेती र एसआर ६ संयुक्त जलविद्युत परियोजनाको विकास तथा लगानीको खाका तयार गर्न अध्ययन गरी बोर्ड समक्ष सिफारिस गर्न राष्ट्रिय योजना आयोगका उपाध्यक्षको संयोजकत्वमा एक समिति गठन गरेको छ ।

अरुण ३ जलविद्युत परियोजना प्रवेश मार्ग अन्तर्गतमा पर्ने जग्गाको मुआब्जा उपलब्ध गराउने प्रकृया अगाडि बढाउन पनि बैठकले बोर्ड निर्देशन दिएको छ ।

प्रकाशित मिति: मंगलबार, असार ८, २०७८ २०:२७

प्रतिक्रिया दिनुहोस्