नेपाल र भुटान हाफसम्म १-१ गोलमा

खेलकुद

गृहपृष्ठ
खेलकुद
नेपाल र भुटान हाफसम्म १-१ गोलमा

नेपाल र भुटान हाफसम्म १-१ गोलमा

मंगलबार, मंसिर २४, २०७६ बागेश्वरी पोस्ट

undefined

काठमाडौं ।१३ औं दक्षिण एशियाली खेलकुद (साग)अन्तर्गत नेपाल र भुटानबीच जारी पुरुष फुटबलको फाइनल खेलको पहिलो हाफ १-१ को बराबरीमा सकिएको छ ।

अभिषेक रिजालले नेपाललाई अग्रता दिलाएपनि भुटानका कप्तान चेन्चो ग्याल्सेनले बराबरी गोल फर्काए । खेलको १६ औं मिनेटमा अभिषेकले ६ यार्ड बक्सनजिकबाट गोल गर्दै नेपाललाई अग्रता दिलाएका हुन् । उनले विकास खवासको लामो थ्रो इनलाई पेनाल्टी क्षेत्रभित्र उत्कृष्ट नियन्त्रण गर्दै गोल गरे । उनको जारि प्रतियोगितामा तेस्रो गोल हो ।

यसअघि उनले भुटानविरुद्ध समूह चरण र माल्दिभ्सविरुद्ध पनि गोल गरेका थिए । त्यसअघि नेपालले खेलको १२ औं मिनेटमा नै सुजल श्रेष्ठलाई गुमायो । पछिल्लो खेलमा चोट बोकेका उनको स्थानमा राजेश परियार मैदान प्रवेश गरेका थिए । खेलको ३६ औं मिनेटमा भुटानले बराबरी गोल फर्कायो ।

चेन्चो ग्याल्सेनले पेनाल्टी क्षेत्र भित्रबाट उत्क्र्सिह्त फिनिस गर्दै भुटानलाई खेलमा फर्काएका थिए । खेलको इन्ज्युरी समयमा नेपालले पेनाल्टीको लागि अपिल गरेपनि सुमन अर्यालमाथि पेनाल्टी क्षेत्रभित्र भएको फललाई रेफ्रीले वास्ता गरेनन् ।

प्रकाशित मिति: मंगलबार, मंसिर २४, २०७६ १५:५८

प्रतिक्रिया दिनुहोस्