सेन्ट जेभियर्सका विद्यार्थी नेपालगञ्जमा, स्प्रिङडेलद्वारा स्वागत र सम्मान

शिक्षा

गृहपृष्ठ
शिक्षा
सेन्ट जेभियर्सका विद्यार्थी नेपालगञ्जमा, स्प्रिङडेलद्वारा स्वागत र सम्मान

सेन्ट जेभियर्सका विद्यार्थी नेपालगञ्जमा, स्प्रिङडेलद्वारा स्वागत र सम्मान

मंगलबार, पुस २७, २०७८ बागेश्वरी पोस्ट

नेपालगञ्ज । काठमाण्डौको माइतीघरस्थित सेन्ट जेभियर्समा विएसडब्लु (BSW) तेस्रो बर्षमा अध्ययतरत विद्यार्थीहरु 'हाम्रो अभियान' कार्यक्रम लिएर नेपालगञ्ज आएका छन् । पुष २३ गते नेपालगञ्ज आएका १४ जना विद्यार्थी र एक जना शिक्षकसहित १५ जनाको टोलीलाई नेपालगञ्ज कारकाँदोस्थित स्प्रिङडेल एकेडेमीले आइतबार स्वागत तथा सम्मान गरेको थियो ।

No description available.

प्राचार्य शरदचन्द्र रावलको नेतृत्वमा कक्षा ११ र १२ का विद्यार्थीहरुले फूलमाला र खादा लगाइदिएर उनीहरुलाई स्वागत गरेका थिए । त्यसक्रममा स्प्रिङडेलकी संस्थापक तथा सहायक प्रधानाध्यापक विना सिंहले स्वागत मन्तब्य ब्यक्त गरेकी थिइन् ।

विद्यार्थीहको शारिरीक र मानसिक स्वास्थ्यको सुधार र संरक्षण कसरी गर्ने तथा समुदायमा जनस्वास्थ्यको चेतना कसरी विकास गर्ने भन्ने कुराहरुको बारेमा बहृतरुपमा छलफल गरी महत्वपूर्ण सिकाई प्रदान गर्ने उद्देश्यले 'हाम्रो अभियान' सञ्चालन गरिएको अभियानका कोर्डिनेटर समीर तिवारी र नेहा रेग्मीले बताए ।

No description available.

पौष २९ गतेसम्म नेपालगञ्जमा रहने उक्त टोलीले विभिन्न गतिविधिहरुमा सहभागिता जनाइरहेको छ । जस अनुसार २४ गते नेपालगञ्जमा कम्युनिटी भिजिट र २६ गते सरस्वती मावि नेपालगञ्जको माध्यमिक तहका विद्यार्थीहरुसंग अन्तरक्रिया कार्यक्रम गरिएको छ ।

यस्तै आज २७ गते स्प्रिङडेलका विद्यार्थीहरुसंग अन्तरक्रियासंगै सहयोग सामग्री वितरण गरिएको छ । भोली २८ गते परस्पुरमा सामुदायिक सचेतना कार्यक्रम तथा निलसागर बृद्धाश्रममा कपडा सहयोग गर्ने कार्यक्रम रहेको बताइएको छ । पर्सि २९ गते समापन कार्यक्रम गरिनेछ ।

No description available.

स्प्रिङडेल एकेडेमीको पहलमा टोली नेपालगञ्ज आएको हो । नेपालगञ्जमा अभियान सञ्चालन गर्न सहयोग गर्ने स्प्रिङडेललाई टोलीले धन्यबाद ज्ञापन गरेको शिक्षक पूर्ण बोहराले बताए ।

No description available.