नेपालगन्जको स्प्रिङडेलले पायो ब्रिटिस काउन्सिलको इन्टरनेशनल अवार्ड

शिक्षा

गृहपृष्ठ
शिक्षा
नेपालगन्जको स्प्रिङडेलले पायो ब्रिटिस काउन्सिलको इन्टरनेशनल अवार्ड

नेपालगन्जको स्प्रिङडेलले पायो ब्रिटिस काउन्सिलको इन्टरनेशनल अवार्ड

बुधबार, माघ १२, २०७८ बागेश्वरी पोस्ट

नेपालगञ्ज । ब्रिटिस काउन्सिलले बाँकेको एक विद्यालयसहित देशभरका १०७ विद्यालयहरुलाई अन्तर्राष्ट्रिय विद्यालय अवार्ड दिएको छ ।

नेपालगन्जको स्प्रिङडेल एकेडेमीले ब्रिटिस काउन्सिलको इन्टरनेशनल विद्यालय अवार्ड पाएको हो । बाँके जिल्लामा इन्टरनेशनल स्कुल अवार्ड पाउने स्प्रिङ डेल एकेडेमी एक मात्र विद्यालय हो । यो अवार्ड पाएपछि विद्यालयका प्रधानाध्यापक शरदचन्द्र रावल, सहप्रधानाध्यापक विना सिंह, कोर्डिनेटर यसपाल पौडेलले विद्यालयलाई यो स्थानसम्म ल्याई पुर्याउन अमूल्य साथ सहयोग गर्ने सम्पूर्ण शिक्षक, विद्यार्थी, अभिभावक र शुभचिन्तकहरुलाई हार्दिक बधाई ज्ञापन गर्दै धन्यवाद दिएका छन् । अवार्ड प्राप्त गरेपछि विद्यालय उत्साहित भएको शिक्षक पूर्ण बोहराले बताए ।

No description available.

भर्चुअलरूपमा भएको कार्यक्रममा विजेता विद्यालयहरूलाई प्रमुख अतिथि शिक्षा तथा मानव संशाधन विकास केन्द्रका महानिर्देशक चूडामणि पौडेल तथा एमी लाइटफुट, क्षेत्रीय शिक्षा र एकेडेमिक लिड, दक्षिण एशिया ब्रिटिश काउन्सिल र कन्ट्री डाइरेक्टर ब्रिटिश काउन्सिल नेपालकी शाहिदा म्याकडुगलले संयुक्तरुपमा पुरस्कार घोषणा गरेका हुन् ।

विजेता विद्यालयहरुलाई ट्रफी र योग्यताको प्रमाणपत्र पठाइने काउन्सिलले जनाएको छ । ब्रिटिस काउन्सिलले झण्डै एक दशकदेखि यस्तो अवार्ड प्रदान गर्दै आएको छ ।

अवार्ड विजेता विद्यालयहरूले तीन बर्षसम्म आफ्ना सबै शैक्षिक प्रबद्र्धन सामग्रीहरूमा आफ्नो विद्यालयको लोगोसँगै प्रतिष्ठित इन्टरनेशनल स्कूल अवार्ड काइट मार्क प्रयोग गर्न पाउनेछन् ।

No description available.