काठमाडौं-नेपालगन्जको यस्तो छ वृद्धि भएको हवाइ भाडा....

अर्थ

गृहपृष्ठ
अर्थ
काठमाडौं-नेपालगन्जको यस्तो छ वृद्धि भएको हवाइ भाडा....

काठमाडौं-नेपालगन्जको यस्तो छ वृद्धि भएको हवाइ भाडा....

शुक्रबार, माघ २१, २०७८ बागेश्वरी पोस्ट

नेपालगन्ज । नेपाल आयल निगमले पेट्रोलियम पदार्थको मूल्य वृद्धि गरेपछि हवाइ भाडादर पनि वृद्धि भएको छ । सबैभन्दा बढी काठमाडौं-धनगढीको ४४५ रुपैयाँमा वृद्धि भएको छ ।

वायु सेवा संघले १०५ रुपैयाँदेखि ४४५सम्म वृद्धि गरेको जनाएको छ । हवाइ इन्धनमा प्रतिलिटर दुई रुपैयाँ बढीले मूल्य घटबढ भएको अनुपातमा भाडा समायोजन गर्ने अधिकार संघले प्रयोग गरेको हो ।

बढेको दर अनुसार सबैभन्दा बढी काठमाडौं-धनगढीको ४४५ रुपैयाँ रहेको छ । यस्तै काठमाडौं-विराटनगर २४०, काठमाडौं-पोखरा १६०, काठमाडौं-नेपालगञ्ज ३२५, काठमाडौं-भद्रपुर, काठमाडौं-भरतपुर १०५ रुपैयाँ बढेको संघले जनाएको छ ।

यस्तै माउन्टेन फ्लाइटको भाडादर ३४५ रुपैयाँले बढेको छ । पछिल्लो पटक नेपाल आयल निगमले हवाइ इन्धनमा प्रतिलिटर १० रुपैयाँ वृद्धि गरेको छ ।

प्रकाशित मिति: शुक्रबार, माघ २१, २०७८ १८:४३