शिक्षकलाई पनि निजामती कर्मचारी सरह सेवा सुविधा

शिक्षा

गृहपृष्ठ
शिक्षा
शिक्षकलाई पनि निजामती कर्मचारी सरह सेवा सुविधा

शिक्षकलाई पनि निजामती कर्मचारी सरह सेवा सुविधा

सोमबार, माघ २४, २०७८ बागेश्वरी पोस्ट

नेपालगन्ज । अबदेखि शिक्षकहरुलाई पनि निजामती कर्मचारी सरह सेवा सुविधाको प्रवन्ध गरिने भएको छ । शिक्षा, विज्ञान तथा प्रविधि मन्त्री देवेन्द्र पौडेलले सेवा सुविधाको प्रबन्ध गरिने बताएका हुन् ।

मन्त्रालयले सेवा सुविधा दिने निर्णय गरिसकेको हुँदा अब आउने बजेट कार्यक्रमपछि कार्यान्वयनमा ल्याउने मन्त्री पौडेलले बताए ।

उता यस विषयमा अर्थ मन्त्रालय र अन्य निकायसँग पनि समन्वय भइरहेको हुँदा कर्मचारी र शिक्षकको कार्य विभाजन फरक भएपनि तह र सुविधा एउटै हुनुपर्ने मन्त्री पौडेलले बताए ।

शिक्षक सेवा आयोगको ११औँ संशोधन नियमावली मन्त्रिपरिषदबाट स्वीकृत भएर आएपछि शिक्षक दरबन्दी मिलान, आन्तरिक बढुवा एबं अध्यापन अनुमति पत्र लगायत कामले गति लिएको मन्त्री पौडेलले भने ।

१८ वर्षदेखि रोकिएको शिक्षकको आन्तरिक बढुवाका लागि विज्ञापन खुलाएर प्रक्रिया अगाडि बढाइएको मन्त्री पौडेलले बताए । शिक्षकको वृत्ति विकासमा शिक्षा मन्त्रालय संवेदनशील रहेको मन्त्री पौडेलको भनाई छ ।

प्रकाशित मिति: सोमबार, माघ २४, २०७८ १९:३०

प्रतिक्रिया दिनुहोस्