आउँदो शैक्षिक सत्रको पढाई जेठ १ गतेदेखि

शिक्षा

गृहपृष्ठ
शिक्षा
आउँदो शैक्षिक सत्रको पढाई जेठ १ गतेदेखि

आउँदो शैक्षिक सत्रको पढाई जेठ १ गतेदेखि

बार्षिक परीक्षा र नयाँ भर्ना बैशाखमा

बुधबार, फागुन ४, २०७८ बागेश्वरी पोस्ट

नेपालगन्ज । सरकारले आउँदो शैक्षिक सत्रको पढाई जेठ १ गतेदेखि सुरु गर्ने भएको छ । शिक्षा, विज्ञान तथा प्रविधि मन्त्रालयमा आज बुधवार बसेको मन्त्री स्तरीय बैठकले परीक्षा लगायतका काम वैशाख महिनाभित्र सकेर जेठ १ गतेदेखि नयाँ शैक्षिक सत्रको पढाई सुरु गर्ने निर्णय गरेको शिक्षा मन्त्रालयका प्रवक्ता दीपक शर्माले जानकारी दिए ।

कोरोना महामारीका कारण विद्यालय बन्द गर्दा पढाई प्रभावित भएकाेले चैत महिनाभर पठनपाठन गर्ने र वैशाख महिनामा वार्षिक परीक्षा सकेर जेठदेखि पढाई सुरु गर्ने निर्णय भएको उनले बताए ।

परीक्षा बोर्डले माध्यमिक शिक्षा परीक्षा (एसईई) आउँदाे वैशाख ९ देखि २० गतेका लागि तोकिसकेको छ । पालिकाले सञ्चालन गर्ने कक्षा आठ लगायत कक्षा १० भन्दा तलका सबै परीक्षा वैशाखमा गरेर वैशाखभित्रै नतिजा प्रकाशन समेत गर्ने, विद्यालयले बनाउने वार्षिक कार्ययोजना वैशाखभित्रै बनाउने र भर्ना तथा पाठ्यपुस्तक समेत वैशाखभित्रै वितरण गरिसक्ने पनि प्रवक्ता शर्माले बताए ।

स्थानीय तह चुनावका कारण विद्यालयहरू बन्द गर्नुपर्ने तथा कतिपय शिक्षकहरू चुनावमा खटिनुपर्ने भएकाले चुनावमा खटिने समयअघि नै नयाँ शैक्षिक सत्रअघि सम्पन्न गर्नुपर्ने सबै तयारी पूरा गर्ने पनि शिक्षा मन्त्रालयले जनाएको छ ।

प्रकाशित मिति: बुधबार, फागुन ४, २०७८ १९:४४

प्रतिक्रिया दिनुहोस्