नेपालगञ्जमा सामुदायिक विद्यालयका विद्यार्थीलाई हिमानी कोषको सहयोग

शिक्षा

गृहपृष्ठ
शिक्षा
नेपालगञ्जमा सामुदायिक विद्यालयका विद्यार्थीलाई हिमानी कोषको सहयोग

नेपालगञ्जमा सामुदायिक विद्यालयका विद्यार्थीलाई हिमानी कोषको सहयोग

शनिबार, फागुन ७, २०७८ बागेश्वरी पोस्ट

नेपालगञ्ज । हिमानी कोषको आयोजनामा नेपालगञ्जमा सामुदायिक विद्यालयमा अध्ययनरत विद्यार्थीहरुलाई सहयोग गरिएको छ । कोषको आयोजनामा आज नेपालगञ्जमा भएको कार्यक्रममा पूर्व अधिराजकुमारी प्रेरणा राज्य लक्ष्मी सिङ्ह र पूर्व शाहज्यादी दिलाशा राज्य लक्ष्मी राणाले तीन वटा सामुदायिक विद्यालयमा अध्ययनरत विद्यार्थीहरुलाई पानी स्वतः प्रशोधन हुने बोतल र मास्क हस्तान्तरण गरे ।

नेपालगञ्ज उपमहानगरपालिकाका प्रमुख डा. धवल शम्शेर राणाका अनुसार नगरको हनुमान प्रावि, नेपाल राष्ट्रिय आधारभूत विद्यालय घरबारी टोली र पाटेश्वरी आधारभूत विद्यालयका ६०० विद्यार्थीहरुलाई पानी स्वत: प्रशोधन हुने बोतल र मास्क सहयोग गरिएको हो । सो अवसरमा नगर प्रमुख राणाले हिमानी कोषले यसअघि पनि नगरमा सिलाईकटाई तालिम प्राप्त महिलालाई मेसिन सहयोग गरेको भन्दै धन्यवाद ज्ञापन गरे ।

कार्यक्रममा हिमानी कोषका कार्यालय प्रमुख उत्तम निरौला, कानूनी सल्लाहकार अनिता केसी, नेपालगञ्ज उपमहानगरपालिकाका कार्यपालिका सदस्य इन्दिरा शाही लगायतले हिमानी कोषले मानवीय सहयोगप्रति आभार प्रकट गरे । उपमहानगरपालिकाका प्रमुख प्रशासकीय अधिकृत जगत बस्नेत, सन्त श्री निवास लगायतको कार्यक्रममा सहभागिता थियो ।

प्रकाशित मिति: शनिबार, फागुन ७, २०७८ १३:२१