पराजयसँगै संकटमा सिटी, वल्भ्ससँग स्तब्ध

खेलकुद

गृहपृष्ठ
खेलकुद
पराजयसँगै संकटमा सिटी, वल्भ्ससँग स्तब्ध

पराजयसँगै संकटमा सिटी, वल्भ्ससँग स्तब्ध

शनिबार, पुस १२, २०७६ एजेन्सी

एजेन्सी । साविक विजेता म्यानचेस्टर सिटी इंग्लिस प्रिमियर लिगमा वल्भ्ससँग स्तब्ध बनेको छ । शुरुवाती दुई गोलको अग्रता जोगाउन नसक्दा १० खेलाडीमा समेटिएको सिटी घरेलु टोली वल्भ्ससँग ३–२ ले स्तब्ध बनेको हो ।

शुक्रबार राति वेस्ट मिडल्यान्डमा आयोजित खेलमा वल्भ्सका लागि एडमा ट्राओरे, राहुल जिमिनेज र माट दोहर्थीले गोल गरे । सिटीका रहिम स्ट्रलिङले दुई गोल गरे पनि आफ्नो टोलीको पराजय रोक्न सकेनन् । सिटीलाई झड्का त्यतिबेला लाग्यो जब खेलको १२औं मिनेटमै आफ्ना गोलरक्षक इडर्सन मोरेस रातो कार्ड खाँदै मैदानबाट बाहिरिए । डिएगो जोटालाई वान भर्सेस वानको अवस्थामा पेनाल्टी बक्स बाहिर आएर फल गरेपछि रेफ्रीले इडर्सनलाई सिधै रातो कार्ड देखाएका थिए ।

२१औं मिनेटमा वल्भ्सका डेन्डनकरले सिटीका रियाद महारेजलाई पेनाल्टी बक्समा फल गरेका थिए । रेफ्रीले भिएआरको सहायता लिएर सिटीलाई पेनाल्टीको अवसर दिए । तर रहिम चुकेसँगै सिटीलाई दोस्रो झड्का लाग्यो । वल्भ्सका रुइ प्याट्रेसियोले रहिमलाई रोके पनि वल्भ्सका खेलाडीले लाइन क्रस गरेको भन्दै रेफ्री मार्टिन एटकिन्सनले सिटीलाई पुनः पेनाल्टीको मौका दिए पनि रहमिलाई वल्भ्सका गोलरक्षक रुइ प्याट्रेसियोले रोक्न सफल भएका थिए ।

रिवाउन्डमा गोल गर्दै रहिमले सिटीलाई पहिलो हाफमा १–० को अग्रता दिलाए । ५०औं मिनेटमा रहिमले नै केभिन डि ब्रुयनको पासमा गोल गर्दै सिटीको अग्रता दोब्बर पारे । १० खेलाडीमा सीमित सिटीसँग घरेलु मैदानमा २–० ले पछि पारेको थिए । तर, वल्भ्सले उत्कृष्ट पुनरागमन गर्दै ३ गोल गरेर सिटीमाथि रोमाञ्चक जित निकाल्न सक्यो ।

घरेलु मैदानमा दर्शकको समर्थनका बीच पनि २ गोलले पछाडि रहेको वल्भ्सका लागि ५५औं मिनेटमा एडमाले पहिलो गोल गरे । ८२औं मिनेटमा राहुल जिमिनेजले गोल गरेर घरेलु टोलीलाई २–२ गोलको बराबरीमा ल्याए । ८९औं मिनेटमा माटले अर्को गोल गर्दै वल्भ्सलाई ३–२ को रोमाञ्चक पुनरागमन जित दिलाउन सफल भए । अपराजित यात्रा रोकिएसँगै सिटीले दोस्रो स्थानमा उक्लने मौका गुमाएको छ भने उसले उपाधि यात्रा थप कमजोर बनाएको छ । जितपछि वल्भ्स १९ खेलबाट ३० अंक जोडेर पाँचौ स्थानमा उक्लन सफल भएको छ ।

अहिलेसम्म सिटीको १९ खेलबाट ३८ अंक छ भने दोस्रो स्थानको लेस्टर सिटीको समान खेलबाटै ३९ अंक छ । उता, एक खेल कम खेलेर पनि ५२ अंकसहित लिभरपुल शीर्षस्थानमा ।

प्रकाशित मिति: शनिबार, पुस १२, २०७६ ०९:४३

प्रतिक्रिया दिनुहोस्