नेशनल प्याब्सनको अध्यक्षमा सुुवास न्यौपानेको उम्मेदवारी घोषणा

शिक्षा

गृहपृष्ठ
शिक्षा
नेशनल प्याब्सनको अध्यक्षमा सुुवास न्यौपानेको उम्मेदवारी घोषणा

नेशनल प्याब्सनको अध्यक्षमा सुुवास न्यौपानेको उम्मेदवारी घोषणा

सोमबार, फागुन २३, २०७८ बागेश्वरी पोस्ट

अध्यक्षका उम्मेदवार सुवास न्यौपाने

नेपालगञ्ज । निजी विद्यालयहरुको संगठन नेशनल प्याब्सनको केन्द्रिय अध्यक्षमा सुवास न्यौपानेको उम्मेदवारी घोषणा गरिएको छ । न्यौपानेको नेतृत्वमा प्यानलसहित उम्मेदवारी घोषणा गरिएको हो ।

नेशनल प्याब्सनका निवर्तमान अध्यक्ष एवम् सल्लाहकार कर्ण बहादुर शाहीले नेपालगञ्जमा पत्रकार सम्मेलन गरेर पदाधिकारी उम्मेदवारहरुको घोषणा गरेका हुन् । अध्यक्षका उम्मेदवार न्यौपाने वर्तमान महासचिव हुन् । यस्तै बरिष्ठ उपाध्यक्षमा प्रमोद प्रभाकर रिजालको उम्मेदवारी घोषणा गरिएको छ । उनी उपाध्यक्ष हुन् ।

उपाध्यक्षमा सुवोध कुमार डाँगी, श्यामसिंह मौनी र शम्भु अधिकारीको नाम घोषणा गरिएको छ । डाँगी र मौनी क्रमशः लुम्बिनी र सुदुरपश्चिम प्रदेशका प्रमुख हुन् । अधिकारी निवर्तमान कोषाध्यक्ष हुन् । यसैगरी महासचिवमा उपमहासचिव पारसमणि दाहाललाई अघि सारिएको छ । बागमती प्रदेशका उपप्रमुख प्रकाशचन्द्र खड्कालाई उपमहासचिवको उम्मेदवार घोषणा गरिएको छ । कोषाध्यक्षमा भने अहिलेकै कोषाध्यक्ष प्रताप बहादुर थापालाई उम्मेदवार घोषणा गरिएको छ ।

No description available.

नेपालगञ्जको सोल्टी होटलमा हिजोदेखि शुरु भएको नेशलन प्याब्सनको सातौं महाधिवेशनले ४७ सदस्यीय नयाँ नेतृत्व चयन गर्नेछ । नयाँ नेतृत्व चुन्न आज चुनाव हुँदैछ । छैठौं महाधिवेशनमा अध्यक्षमा पराजित भएका पाण्डब हमालले पनि टिमसहित चुनावी प्रतिष्पर्धामा उत्रिने तयारी गरेको बताइएको छ । महाधिवेशनको शिक्षा मन्त्री देबेन्द्र पौडेलले उद्घाटन गरेका थिए ।

प्रकाशित मिति: सोमबार, फागुन २३, २०७८ १२:०१