कांग्रेस अछामको सभापतिमा पुष्प शाह निर्वाचित

राजनीति

गृहपृष्ठ
राजनीति
कांग्रेस अछामको सभापतिमा पुष्प शाह निर्वाचित

कांग्रेस अछामको सभापतिमा पुष्प शाह निर्वाचित

सोमबार, फागुन २३, २०७८ बागेश्वरी पोस्ट

नेपालगञ्ज । नेपाली कांग्रेस अछामको सभापतिमा पुष्प बहादुर शाह निर्वाचित भएका छन् ।

दोस्रो चरणको निर्वाचनबाट शाह सभापतिमा निर्वाचित भएका हुन् । उनी सभापति शेरबहादुर देउबा (संस्थापन) पक्षीय हुन् ।

शाह ७ सय ७९ मत ल्याएर बिजयी भएका हुन् । उनका प्रतिष्पर्धी निर्वतमान सभापति भरत कुमार स्वारले ७ सय ११ मत प्राप्त गरे । ७ मत बदर भएको छ । निर्वाचनमा १ हजार ४ सय ९७ मत खसेको थियो ।

पहिलो चरणमा कुनै पनि उम्मेदवारले ५० प्रतिशत बढी मत ल्याउन नसकेकाले सभापतिका लागि आज बिहान ८ बजेबाट मतदान भएको थियो ।

दिउँसो ४ बजे मतदान सम्पन्न भएर ५ बजेबाट मतगणना सुरू गरिएको थियो ।

प्रकाशित मिति: सोमबार, फागुन २३, २०७८ २०:५९